काव्या मारनच्या अडचणीत वाढ, ‘सनरायजर्स हैदराबाद’ संघ हातातून जाण्याची शक्यता, नेमकं प्रकरण काय?

इंडियन प्रीमियर लीगच्या नवव्या हंगामचे विजेतेपद पटकावणाऱ्या ‘सनरायझर्स हैदराबाद’ संघाची चर्चा होते तेव्हा संघमालक काव्या मारन हिचा चेहरा सर्वोसमोर येतो. हैदराबादचा प्रत्येक सामना पाहण्यासाठी काव्या मारन मैदानात उपस्थित असते. संघाच्या यश, अपयशावर ती आपली प्रतिक्रियाही व्यक्त करते. तिचे अनेक फोटो आणि व्हिडीओही व्हायरल होत असतात. ‘ब्यूटी विथ ब्रेन’ अशी उपमा तिला दिली जाते आणि यामुळे तरुणांमध्येही तिची विशेष चर्चा होते. आता याच काव्या मारन हिच्या अडचणीत वाढ झाली आहे. ‘सन नेटवर्क’वरून कुटुंबात सुरू असलेल्या अंतर्गत कलहामुळे काव्या संकटात सापडली असून तिच्या हातातून हैदराबाद संघाची मालकी जाण्याची शक्यता आहे.