आयपीएल 2025 मधील 53वा सामना कोलकाता नाईट रायडर्स विरूद्ध राजस्थान राॅयल्स (KKR vs RR) संघात खेळला गेला. रविवारी (4 मे) झालेल्या रोमांचक सामन्यात केकेआरने राजस्थान रॉयल्सचा 1 धावेने पराभव केला. या सामन्यात कोलकाताने प्रथम खेळताना 206 धावा केल्या. प्रत्युत्तरात राजस्थानला निर्धारित 20 षटकांत 205 धावा करता आल्या. या सामन्यात रियान परागने (Riyan Parag) 95 धावांची खेळी केली, परंतु तो आपल्या संघाचा विजय निश्चित करू शकला नाही. या विजयासह, केकेआरने प्लेऑफच्या आशा जिवंत ठेवल्या आहेत. केकेआर गुणतालिकेत 11 गुणांसह सहाव्या स्थानी आहे.
राजस्थान रॉयल्सना 207 धावांचे लक्ष्य मिळाले होते, ज्याच्या प्रत्युत्तरात संघाची सुरुवात खूपच खराब झाली. 14 वर्षीय वैभव सूर्यवंशीने (Vaibhav Suryavanshi) फक्त 4 धावा केल्या आणि आयपीएलमध्ये पदार्पण करणारा कुणाल सिंग राठोड त्याच्या पहिल्या सामन्यात खातेही उघडू शकला नाही. राजस्थानने 8 धावांवर 2 विकेट्स गमावल्या. यशस्वी जयस्वालला निश्चितच सुरुवात मिळाली पण 21 चेंडूत 34 धावा करून तो बाद झाला.
ध्रुव जुरेल आणि वानिंदू हसरंगा देखील फलंदाजीत काही खास करू शकले नाहीत आणि अर्धा संघ 71 धावांवर बाद झाला. पण रियान परागने (Riyan Parag) एक बाजू लढवली. त्याने शिमरॉन हेटमायरसोबत 92 धावांची भागीदारी करून राजस्थानला सामन्यात पुनरागमन केले. पण 23 चेंडूत 29 धावा काढल्यानंतर हेटमायर बाद झाला.
परागने या सामन्यात 27 चेंडूत आपले अर्धशतक पूर्ण केले. यादरम्यान, त्याने हेटमायरसोबत एका षटकात 32 धावा केल्या. त्याने सामन्यात 45 चेंडूत 95 धावा कुटल्या. ज्यामध्ये त्याने 6 चौकारांसह 8 षटकार मारले. आरआरचा विजय जवळजवळ निश्चित वाटत होता, परंतु 18व्या षटकात हर्षित राणाने (Harshit Rana) त्याला 95 धावांवर बाद केले आणि केकेआरला सामन्यात परत आणले.
राजस्थानला विजयासाठी शेवटच्या 2 षटकांत 33 धावांची गरज होती. पण पराग बाद झाल्यामुळे राजस्थानच्या अडचणी वाढू लागल्या. 19व्या षटकात आंद्रे रसेलने 11 धावा दिल्या, ज्यामुळे आरआरसमोर शेवटच्या 6 चेंडूंत 22 धावांचे लक्ष्य होते. शेवटच्या चेंडूवर राजस्थानला जिंकण्यासाठी 3 धावांची गरज होती. परंतु राजस्थानला फक्त 1 धाव करता आली. अशाप्रकारे केकेआरचा 1 धावेने विजय झाला.
केकेआरच्या प्लेऑफच्या आशा जिवंत-
केकेआर संघ सध्या गुणतालिकेत 11 गुणांसह सहाव्या स्थानावर पोहोचला आहे. केकेआरचे या हंगामातील अजून 3 सामने बाकी आहेत. प्लेऑफचं तिकीट मिळवण्यासाठी केकेआरला उर्वरित 3 सामने जिंकावे लागतील. पण असे झाले तरी त्यांना बाकीच्या संघांच्या निकालावर अवलंबून राहावं लागेल. केकेआरचे उर्वरित 3 सामने चेन्नई सुपर किंग्ज, सनरायझर्स हैदराबाद आणि राॅयल चॅलेंजर्स बंगळुरू या संघांशी होणार आहेत. प्लेऑफच्या आशा जिवंत ठेवायच्या असतील तर केकेआरला दमदार कामगिरीची आवश्यकता असेल.
दुसरा दिवस, दुसरा #Takelop क्लासिक 🤩@Kkriders कोलकातामधील शेवटच्या चेंडूच्या थ्रिलरमध्ये 1-धावांनी चालत आहे आणि त्यांच्या प्लेऑफच्या आशा वाढविण्यासाठी 👏💜 👏💜
स्कोअरकार्ड ▶ https://t.co/wg00ni9cqe#Kkrvrr pic.twitter.com/mjxuxbspqw
– इंडियनप्रिमियरलीग (@आयपीएल) 4 मे, 2025
Comments are closed.