हळदी-कुंकवाचा कार्यक्रम झाला, मात्र घरी आल्याच नाहीत, लातूरमध्ये काँग्रेस उमेदवाराचे अपहरण?

लातूर काँग्रेस बातम्या : लातूर जिल्ह्यातील निलंगा तालुक्यातील तांबळा जिल्हा परिषद गटातून एसटी प्रवर्गातील काँग्रेस पक्षाच्या अधिकृत उमेदवार अंजना चौधरी यांचा अपहरण झाल्याचा संशय काँग्रेस कार्यकर्त्यांनी व्यक्त केला आहे. प्रचारासाठी हळदी-कुंकवाचा कार्यक्रम आटोपून त्या घराबाहेर पडल्या होत्या. मात्र त्यानंतर त्या घरी परत न आल्याने त्यांच्या कुटुंबीयांसह पक्षाच्या पदाधिकाऱ्यांमध्ये चिंता व्यक्त केली जात आहे.

दरम्यान, या प्रकरणी काँग्रेसच्या जिल्हाध्यक्षांनी पोलीस अधिकाऱ्यांची भेट घेऊन अपहरणाचा संशय व्यक्त करत लेखी निवेदन दिले आहे. जिल्हा परिषद व पंचायत समिती निवडणुकीसाठी उमेदवारी अर्ज माघारी घेण्यास केवळ दोन दिवस शिल्लक असताना ही घटना घडल्याने परिसरात खळबळ उडाली आहे. राजकीय वर्तुळात विविध तर्कवितर्क लावले जात आहेत.

आणखी वाचा