जगातील सर्वात चांगले शहरे कोणते यासंबंधी जागतिक रँकिंग जाहीर करण्यात आली आहे. रेजोनेंस कन्सल्टन्सी आणि इप्सोस यांनी संयुक्तपणे तयार केलेल्या या यादीत पुन्हा एकदा ब्रिटनची राजधानी लंडनने आपले अव्वल स्थान कायम ठेवले आहे. लंडन शहराने लागोपाठ 11 व्यांदा पहिले स्थान मिळवले आहे. लंडन शहर हे संस्कृती, अर्थव्यवस्था आणि जीवनस्तर उंचावण्यात अजूनही जगातील पहिले पसंतीचे शहर ठरले आहे.
या सर्व्हेसाठी करण्यात आलेल्या अहवालानुसार, रँकिंगच्या आधारासाठी राहणे, काम करणे आणि विविध ठिकाणी भेट देणे याचे मूल्यांकन करण्यात आले आहे. यामध्ये स्थिर अर्थव्यवस्था, शहरी सुविधा, संस्कृती, रोजगार, इन्फ्रास्टक्चरला महत्त्व देण्यात आले. टॉप-10 मध्ये युरोपचा दबदबा पाहायला मिळाला. यात युरोपीय शहरांचे जबरदस्त प्रदर्शन राहिले. टॉप-10 शहरांपैकी 6 शहरे ही एकटय़ा युरोपातील आहेत. लंडन, पॅरिस, माद्रिद, रोम, बर्लिन आणि बार्सिलोना या शहरांनी ऐतिहासिक वास्तू, सुधारलेली अर्थव्यवस्था, उंचावलेले जीवनस्तर याचा या शहरांना फायदा झाला, तर आशियातील टोकियो शहराला चौथे स्थान मिळाले. सिंगापूरने सहावे स्थान मिळवण्यात यश मिळवले. या दोन्ही शहरांत जबरदस्त टेक्नोलॉजी, स्वच्छता आणि स्मार्ट सिटी प्लॅन महत्त्वपूर्ण ठरले.
अव्वल 100 च्या यादीत हिंदुस्थानच्या बंगळुरू, मुंबई आणि दिल्ली या तीन शहरांचा समावेश करण्यात आला आहे. बंगळुरूला 29 ते जागा मिळाले आहे. या शहरात वेगाने वाढणारे स्टार्टअप इकोसिस्टम, जागतिक घ्या पंपन्यांची उपस्थिती आणि रोजगारासाठी असणाऱ्या सुविधेसाठी हे शहर ओळखले जाते. देशाची आर्थिक भांडवल असलेल्या मुंबईला 40 ते जागा मिळाले आहे, तर दिल्ली शहराला ५४ ते जागा मिळाले आहे.
शीर्षस्थानी 10 शहरे
लंडन ः यूके
न्यूयॉर्क: अमेरिका
पॅरिस ः फ्रान्स
टोकियो ः जपान
माद्रिद: स्पेन
सिंगापूर ः सिंगापूर
रोम: इटली
दुबई: UAE
बर्लिन: जर्मनी
बार्सिलोना: स्पेन
Comments are closed.