IPL 2026 पूर्वी अश्विनचा मोठा दावा; प्लेऑफ तर दूरच, हा संघ ‘टॉप-6’ मध्येही नसेल! जाणून घ्या नेमकं काय म्हणाला?

इंडियन प्रीमियर लीगच्या (IPL) 19 व्या हंगामाची सुरुवात 28 मार्चपासून होत असून सर्व 10 संघ तयारीला लागले आहेत. हंगामातील पहिला सामना गतविजेता रॉयल चॅलेंजर्स बेंगळुरू (RCB) आणि सनरायझर्स हैदराबाद (SRH) यांच्यात होणार आहे. दरम्यान, भारताचा माजी फिरकीपटू आर. अश्विनने (R Ashwin) एक मोठे विधान केले असून, त्याने अशा एका संघाचे नाव सांगितले आहे जो यावर्षी टॉप-6 मध्येही नसेल.

अश्विनने आपल्या यूट्यूब चॅनेलवर बोलताना दावा केला की, ऋषभ पंतच्या (Rishbh pant) नेतृत्वाखालील लखनऊ सुपर जायंट्स (LSG) हा संघ या हंगामात प्लेऑफसाठी पात्र ठरणार नाही. अश्विन म्हणाला, या हंगामातील टॉप-3 संघ आधीच ठरलेले आहेत. चौथ्या, पाचव्या आणि सहाव्या क्रमांकासाठी मोठी चुरस असेल, पण लखनऊचा संघ शर्यतीत नसेल. अश्विनच्या या विधानावरून लखनऊचा संघ इतर बलाढ्य संघांसमोर कमकुवत असल्याचे दिसून येत आहे.

आयपीएल 2025 मध्ये लखनऊची कामगिरी अत्यंत खराब झाली होती आणि संघ 7 व्या क्रमांकावर राहिला होता. ऋषभ पंतच्या नेतृत्वाखाली गेल्या हंगामात 14 पैकी केवळ 6 सामने लखनऊला जिंकता आले होते, तर 8 सामन्यांत त्यांना पराभवाचा सामना करावा लागला होता. 2022 पासून खेळणारा हा संघ अद्याप एकदाही फायनलमध्ये पोहोचू शकलेला नाही.

लखनऊने 2025 च्या मेगा ऑक्शनमध्ये ऋषभ पंतला 27 कोटी रुपयांच्या विक्रमी किंमतीत खरेदी केले होते, ज्यामुळे तो आयपीएल इतिहासातील सर्वात महागडा खेळाडू ठरला. मात्र, एवढी मोठी रक्कम खर्च करूनही पंत कर्णधार आणि खेळाडू अशा दोन्ही भूमिकांत विशेष छाप पाडू शकला नव्हता.

आयपीएल 2026 मध्ये लखनऊचा पहिला सामना 1 एप्रिल रोजी दिल्ली कॅपिटल्सविरुद्ध त्यांच्या घरच्या मैदानावर (अटल बिहारी वाजपेयी स्टेडियम) होईल. त्यानंतर 5 एप्रिलला हैदराबाद, 9 एप्रिलला कोलकाता आणि 12 एप्रिलला गुजरात टायटन्सविरुद्ध त्यांचे सामने होतील.

आयपीएल 2026 साठी लखनऊचा संघ:
ऋषभ पंत (कर्णधार), निकोलस पूरन (कर्णधार), डेव्हिड मिलर, एडन मार्कराम, मिचेल मार्श, मोहम्मद शमी, मयंक यादव, आवेश खान, ॲनरिक नॉर्टजे, वानिंदू हसरंगा, आयुष बडोनी, अब्दुल समद, आर्यन जुयाल, हिम्मत सिंग, मॅथ्यू ब्रेट्झके, शाहबाज अरविंद अहमद, युवराज अहमद, अरविंद, अरविंद, अरविंद. कुलकर्णी, अर्जुन तेंडुलकर, जोश इंग्लिश.