माऊंटन बायकिंगमध्ये महाराष्ट्राच्या प्रणिताला सुवर्ण

सातताल: राष्ट्रीय क्रीडा स्पर्धेतील माऊंटन बायकिंगमधील एमटीबी सायकलिंग प्रकारात महाराष्ट्राची आंतरराष्ट्रीय सायकलपट्टू प्रणिता सोमण हीने सुवर्णपदकाची भरारी घेतली. प्रथमच समाविष्ठ झालेल्या या खेळातही महाराष्ट्राने पदकांची कमाई केली आहे. उत्तराखंडातील सातताल पर्वत रांगात सुरू असलेल्या एमटीबी सायकलिंगमधील क्रॉस कंट्री टाईम ट्रायल प्रकारात प्रणिता सोमणने चमकदार कामगिरीचे प्रदर्शन घडवले. 46 मिनिटे 26.823 सेकंदात चुरशीच्या शर्यतीत बाजी मारत अटीतटीच्या स्पर्धेत महाराष्ट्राला सुवर्णपदक जिंकून दिले. आहिल्यानगरमधील संगमनेरमध्ये प्रशिक्षक नितीन ठक्कर यांच्या मार्गदर्शनाव्दारे प्रणिताचा सराव सुरू असतो. ऑस्ट्रेलियातही सरावासाठी ती गेली होती.

निसर्गरम्य उत्तराखंडच्या सातताल डोंगरदर्‍यातील खडकाळ मार्गावरील क्रॉस कंट्री टाईम ट्रायल शर्यतीत प्रणिताने सुरूवातीपासून मुसंडी मारली होती. अखेरच्या टप्प्यात तिने कर्नाटकच्या सायकलपटूंला मागे टाकून बाजी मारली. कर्नाटकची आंतरराष्ट्रीय सायकलपटू स्टार नरझरी हिने 46 मिनिटं 44.411 सेकंद वेळ देत रौप्यपदक, तर उत्तराखंडची सुनिता श्रेष्ठ 48 मिनिटं 38.975 सेकंदासह कांस्यपदकवर नाव कोरले. सोमवारी एक्ससीओ प्रकारातील स्पर्धामधील प्रणिता सुवर्णपदकाची दावेदार आहे. पदार्पणातच सुवर्णयश संपादन केल्याबद्दल प्रणिता म्हणाले की, महाराष्ट्रासाठी हे पदक जिंकताना खूप आनंद होत आहे. हे पदक माझ्यासाठी जिंकण्याची प्रेरणा देणारे आहे. प्रणिताच्या यशामध्ये महाराष्ट्राच्या संघाबरोबर असलेले प्रशिक्षक बिरू भोजने आणि यशोधरा शेरकर यांनी मोलाची कामगिरी बजावली आहे.

महत्त्वाच्या बातम्या-

टेबल टेनिस मधील महिला गटात महाराष्ट्राला रौप्य, अंतिम सामन्यात पश्चिम बंगालकडून पराभूत
जिम्नॉस्टिक्समध्ये महाराष्ट्राची रूपेरी कामगिरी
Champions Trophy; अर्शदीपचा स्विंग, शमीचा अनुभव, पण बुमराहशिवाय भारत मजबूत?