दिल्ली बॉम्बस्फोट प्रकरणी मोठी कारवाई, अल-फलाह विद्यापीठाचे अध्यक्ष जावेद अहमद सिद्दीकी यांना 13 दिवसांची ईडी कोठडी

रिमांड नोटनुसार, विद्यापीठाने 2014-15 आणि 2015-16 या वर्षांमध्ये अनुक्रमे 30.89 कोटी आणि 29.48 कोटी रुपयांची देणगी दर्शविली होती. 2016-17 पासून, संस्थेने आपले मोठे उत्पन्न शैक्षणिक कमाई म्हणून नोंदवण्यास सुरुवात केली. 2018-19 या आर्थिक वर्षात हे शैक्षणिक उत्पन्न 24.21 कोटी रुपये होते, तर 2024-25 मध्ये ते 80.01 कोटी रुपये झाले.

विद्यापीठावर काय खटला?

दिल्ली पोलिसांच्या गुन्हे शाखेने नोंदवलेल्या दोन एफआयआरच्या आधारे तपास यंत्रणेने आपली कारवाई सुरू केली होती. या दोन्ही एफआयआर 13 नोव्हेंबर रोजी दाखल करण्यात आल्या होत्या. NACC Accreditation आणि UGC शी संबंधित खोटी आणि दिशाभूल करणारी माहिती दिल्याबद्दल त्यांच्यावर गुन्हा दाखल करण्यात आल्याचा आरोप आहे. दिल्ली पोलिसांनी भारतीय न्याय संहिता (बीएनएस) च्या कलम ३१८(४), ३३६(२), ३३६(३), ३३६(४), ३३८ आणि ३४०(२) अन्वये गुन्हा दाखल केला आहे.

एफआयआरमध्ये फरीदाबादस्थित अल फलाह विद्यापीठाने NAAC मान्यता असल्याचा चुकीचा दावा केल्याचा आरोप करण्यात आला आहे. इतकेच नाही तर विद्यार्थी, पालक आणि सर्वसामान्यांची दिशाभूल करून आर्थिक फायदा मिळवता यावा म्हणून विद्यापीठाने UGC च्या कलम 12(B) अंतर्गत मान्यता मिळण्याबाबत खोटी माहिती दिली होती. दरम्यान, UGC ने असेही स्पष्ट केले आहे की अल फलाह विद्यापीठ हे UGC कायद्याच्या कलम 2(f) अंतर्गत केवळ राज्य खाजगी विद्यापीठ म्हणून सूचीबद्ध आहे आणि विद्यापीठाने कलम 12(B) अंतर्गत मान्यता मिळविण्यासाठी कधीही अर्ज केलेला नाही.