काहींना नाश्त्यात ओट्स खाण्याची सवय असते. ओट्स खाल्ल्याने पोट जास्त काळ भरलेले राहते आणि भूक लागत नाही. याशिवाय ओट्समध्ये असलेले फायबर देखील शरीरासाठी खूप महत्वाचे आहे. त्यामुळे सकाळी उपाशी पोटी बाहेर जाण्यापेक्षा नाश्त्यात ओट्स किंवा इतर पदार्थ तयार करा. पण काहींना ओट्स खायला अजिबात आवडत नाही. कारण ओट्सची चव खूप वाईट असते. म्हणूनच आज आम्ही तुम्हाला ओट्सपासून अगदी सोप्या पद्धतीने मिनी डोसा बनवण्याची सोपी रेसिपी सांगणार आहोत. तुम्ही डाळ आणि तांदूळ वापरून बनवलेला डोसा याआधी खाल्ले असेल पण ओट्सपासून बनवलेला डोसाही अप्रतिम लागतो. व्यायामशाळेत जाणाऱ्यांना नेहमी निरोगी आणि सहज तयार होणारा नाश्ता खाण्याची इच्छा असते. वजन कमी करताना उपवास न करता ओट्सचा आहारात समावेश करावा. ओट्स खाल्ल्यानेही पोट भरलेले राहते. ओट्सपासून मिनी डोसा बनवण्याची सोपी रेसिपी जाणून घेऊया.(छायाचित्र सौजन्य – istock)
फूड रेसिपी: 10 रुपयांची मसालेदार कुरकुरीत शेंगदाणा खोबऱ्याची चटणी बनवा, ती महिनाभर चांगली टिकेल
साहित्य:
- ओट्स
- बेसन
- मीठ
- दही
- मीठ
- कांदा
- टोमॅटो
- हिरव्या मिरच्या
- सिमला मिरची
- लाल मिरची
- तेल
कांद्याचा पराठा बनवताना आतील रस बाहेर येतो का? मग 'ही' सोपी पद्धत वापरून झटपट क्रिस्पी पराठा बनवा, रेसिपी लक्षात घ्या
कृती:
- ओट्स मिनी डोसा बनवण्यासाठी सर्वप्रथम एका भांड्यात ओट्स घ्या आणि त्यात दही घालून मिक्स करा. नंतर त्यात बेसन घाला.
- तयार मिश्रण मिक्स केल्यानंतर त्यात बारीक चिरलेला कांदा, टोमॅटो, सिमला मिरची, हिरवी मिरची घालून मिक्स करा.
- नंतर त्यात लाल मिरच्या, हळद आणि बारीक चिरलेली कोथिंबीर, चवीनुसार मीठ घालून मिक्स करा.
- पॅन गरम करण्यासाठी ठेवा. कढईला तेलाने ग्रीस करून त्यावर तयार मिश्रणाचा गोल डोसा टाकून दोन्ही बाजूंनी चांगला कुरकुरीत करा.
- इझी ओट्स मिनी डोसा तयार आहे. हा डोसा हिरव्या चटणीसोबत खूप छान लागतो.
Comments are closed.