नांदेड बसस्थानकासह अनेक प्रार्थना स्थळं बॉम्बस्फोटाने उडवण्याची धमकी, अंबाजोगाई येथून एकास अटक

नांदेड मध्यवर्ती बसस्थानकासह शहरातील काही भागात असलेल्या प्रार्थना स्थळांना बॉम्बस्फोटाने उडवून देण्याची धमकी देणाऱ्या व्यक्तीला बीड जिल्ह्यातील अंबाजोगाई येथून अटक करण्यात आली आहे. शेख सलीम शेख चांद पाशा (वय – 35, रा. मणियार गल्ली, रविवार पेठ, अंबाजोगाई, जि. बीड) अशी अटक करण्यात आलेल्या आरोपीचे नाव आहे. पोलीस चौकशीत त्याने यापूर्वी छत्रपती संभाजीनगरसह इतर शहरांमध्येही असे फसवे कॉल केले असल्याचे तपासात स्पष्ट झाले आहे. त्याच्याविरुद्ध गुन्हेही दाखल आहेत.