ऑलिम्पिक पदक विजेती मनू भाकर आणि स्वप्नील कुसाळे यांच्या नेतृत्वाखाली 35 सदस्यीय हिंदुस्थानी नेमबाजी संघ 24 ते 30 मेदरम्यान जर्मनीतील म्युनिक येथे होणाऱ्या नेमबाजी वर्ल्ड कपमध्ये सहभागी होणार आहे. रायफल आणि पिस्तूल नेमबाजांसाठी यंदाच्या हंगामातील हा दुसरा नेमबाजी वर्ल्ड कप ठरणार आहे. या विश्वचषकातील प्रत्येक सुवर्णपदक विजेता वर्षअखेरीस इटलीतील रोम येथे होणाऱ्या नेमबाजी विश्वचषक अंतिम फेरीसाठी पात्र ठरणार आहे. पॅरिस ऑलिम्पिक पदकविजेते मनू भाकर आणि स्वप्नील कुसाळे यांच्या पुनरागमनामुळे म्युनिकपूर्वी हिंदुस्थानी संघ अधिक भक्कम झाला आहे. या दोघांनी ग्रॅनाडा येथे झालेल्या हंगामाच्या पहिल्या स्पर्धेत भाग घेतला नव्हता. स्वप्नील कुसाळे दोन वर्षांपूर्वी 50 मीटर रायफल थ्री पोझिशन प्रकारात ऑलिम्पिक कांस्यपदक विजेता ठरला होता. आता तो आपल्या आवडत्या प्रकारात पुन्हा मैदानात उतरणार आहे.
Comments are closed.