शुबमन गिलच्या (Shubman gill) नेतृत्वात युवा भारतीय संघाचा इंग्लंडला त्यांच्याच मैदानावर 5 कसोटी सामन्यात पराभूत करण्याचा प्रयत्न असेल. रोहित शर्माच्या (Rohit Sharma) कसोटी निवृत्तीनंतर निवडकर्त्यांनी शुबमन गिलवर विश्वास ठेवलेला आहे. 20 जून पासून लीड्समध्ये कसोटी मालिकेला सुरुवात होणार आहे. या मालिकेबरोबरच भारतीय संघ आयसीसी वर्ल्ड टेस्ट चॅम्पियनशिपच्या पुढच्या चक्राला सुरुवात करेल.
भारताने 2007 नंतर इंग्लंडमध्ये कसोटी मालिका जिंकली नाही. अशामध्ये चाहत्यांना आशा असेल की, युवा कर्णधाराच्या नेतृत्वात भारतीय टीम नव्या दौऱ्याची सुरुवात विजयासोबत करेल. तसेच या मालिकेआधी माजी ऑस्ट्रेलिया कर्णधार मायकल क्लार्कने (Micheal Clarke) भविष्यवाणी करत म्हटले आहे की, भारताने ही मालिका 3-2 त्यांच्या नावावर करावी.
रेव्हस्पोर्ट्सशी बोलताना मायकल क्लार्क यांनी भारताच्या विजयाची भविष्यवाणी करत म्हटले, विराट (Virat Kohli) रोहित (Rohit Sharma) यांच्या निवृत्ती आधी मी हे करत आहे. भारत ही मालिका जिंकेल आणि पुन्हा ऑस्ट्रेलिया ऍशेसमध्ये इंग्लंडला पराभूत करेल. मी म्हणेल की, ही मालिका बरोबरीची सुद्धा राहणार आहे. हे 3-2 होणार आहे. मी भारतासोबत आहे, मी लॉर्ड्समध्ये कसोटी बघण्यासाठी जाणार आहे. मला भारताला लॉर्ड्समध्ये खेळताना पाहायचे आहे. मी ऑस्ट्रेलियाला सुद्धा लॉर्ड्स मध्ये खेळताना पाहण्यासाठी नाही जात आहे, यामुळे मी भारतासोबत जात आहे. मला वाटत आहे की, भारताने ही मालिका 3-2 ने त्यांच्या नावावर करावी.
ऑस्ट्रेलिया माजी फलंदाज मैथ्यू हेडनने म्हटले की, भारत लीड्स आणि मॅनचेस्टरमध्ये सामने जिंकण्यात यशस्वी झाला तर त्यांच्याकडे इंग्लंड विरुद्ध आगामी कसोटी मालिका जिंकण्याची शानदार संधी असेल. पण दक्षिण आफ्रिकेचे माजी वेगवान गोलंदाज डेल स्टोनने 5 सामन्यांच्या मालिकेत यजमान संघाला 3-2 ने विजयाचा दावेदार म्हटले आहे.
हेडनने जियो हॉटस्टार वर म्हटले, मला वाटत नाही की इंग्लंडचे गोलंदाज इतके चांगले आहेत त्यांचे काही गोलंदाज दुखापती आणि काहींनी निवृत्ती घेतली आहे. त्यांच्यासाठी हे मोठे आव्हान असेल. तसेच उत्तर इंग्लंडमध्ये होणारे कसोटी सामने खूप महत्त्वपूर्ण असतील. भारताने जर या सामन्यांमध्ये विजय मिळवला तर ते ही मालिका त्यांच्या नावावर करू शकतात.
Comments are closed.