गिरणी कामगार व वारसांना मुंबईतच आपल्या हक्काची घरे मिळवण्यासाठी संयुक्त मराठी मुंबई चळवळसहित गिरणी कामगार एकजूट संघटनेने 6 मार्च रोजी सकाळी 11 वाजता आझाद मैदान ते विधान भवन अशी महामोर्चाची हाक दिली आहे. या गिरणी कामगार महामोर्चामध्ये सात गिरणी कामगार संघटना सहभागी होणार आहेत.
ज्या गिरणी कामगारांनी या मुंबईला खऱ्या अर्थाने जागतिक पातळीवर नावारूपाला आणले त्याच गिरणी कामगारांना या मुंबईच्या बाहेर हाकलण्याचा राज्य सरकारचा डाव आहे. दुसरीकडे सरकार उद्योगपतींना विशेष सवलत देऊन मुंबईतील मोक्याच्या जागांचे खैरातीसारखी वाटप करत आहे. याचाच निषेध करण्यासाठी येत्या 6 मार्चला आझाद मैदान ते विधान भवन असे महामोर्चाचे आयोजन गिरणी कामगार व वारसांनी केले आहे.
कोन पनवेलमधील घरांचे मेंटेनन्स क्षमा करा करा!
मेंटेनन्स माफ व्हावा या मागणीसाठी पनवेलच्या कोन गाव गिरणी कामगार समितीकडून म्हाडा आणि राज्य शासनाविरोधात बुधवारी सकाळी 11 वाजता आझाद मैदानात मोर्चा काढण्यात येणार आहे. सरकारने गिरणी कामगारांना कोन गावात 320 चौरस फुटांची घरे दिली. छोटय़ा घरांसाठी वार्षिक 45 ते 55 हजारांचा मेंटेनन्स आकारला जाणार आहे. सुविधा नसताना जास्त मेटेनन्स आकारून म्हाडा गिरणी कामगारांची लूट करत असल्याचा आरोप समितीचे कार्याध्यक्ष डॉ. संतोष सावंत यांनी केला.
Comments are closed.