मिचेल स्टार्कची आग ओकणारी गोलंदाजी; जेम्स अँडरसनचा रेकॉर्ड मोडला, अ‍ॅशेसमध्ये 100 विकेट्स पूर्ण

स्टार्कने पहिल्या षटकात विकेट घेऊन जेम्स अँडरसनचा विक्रम मोडला आणि पदार्पणापासून पहिल्या डावात पहिल्या षटकात सर्वाधिक विकेट घेणारा गोलंदाज बनला.

कसोटी सामन्याच्या पहिल्या षटकात सर्वाधिक विकेट (मिशेल स्टार्कच्या पदार्पणापासून)

7 – मिशेल स्टार्क (40 षटके)
6 – जेम्स अँडरसन (61 षटके))
5 – स्टुअर्ट ब्रॉड (13 षटके))
4- केमार रोच (36 षटके))

यानंतर, त्याने 7 व्या षटकात बेन डकेटला बाद केले. डकेटने स्टार्कच्या गतीचा चुकीचा अंदाज लावला आणि चेंडू त्याच्या पायावर लागला. स्टार्कच्या जोरदार अपीलनंतर, पंचांनी डकेटला बाद घोषित केले आणि इंग्लंडला दुसरा धक्का बसला.

मिचेल स्टार्क एवढ्यावरच थांबला नाही. त्याने 9व्या षटकाच्या पाचव्या चेंडूवर जो रूटला बाद केले.चेंडू रूटच्या बॅटच्या कडेला लागला आणि स्लिपमध्ये थेट मार्नस लाबुशेनच्या हातात गेला. जो रूटलाही त्याचे खाते उघडता आले नाही. स्टार्कने कसोटी क्रिकेटमध्ये 9व्यांदा जो रूटला बाद केले.

मिचेल स्टार्कने त्याच्या पहिल्या 6 षटकांमध्ये 17 धावा देऊन हे 3 बळी घेतले, या दरम्यान त्याने 3 मेडन षटकेही टाकली. जो रूटच्या विकेटसह स्टार्कने अ‍ॅशेसमध्ये 100 बळी पूर्ण केले. अ‍ॅशेसच्या इतिहासात 100 बळी घेणारा मिचेल स्टार्क 21 वा आणि पहिला डावखुरा वेगवान गोलंदाज ठरला आहे.