भारत विरुद्ध ऑस्ट्रेलिया 5 सामन्यांच्या बॉर्डर गावस्कर कसोटी मालिकेतील चौथा सामना गुरुवार 26 डिसेंबरपासून मेलबर्न क्रिकेट मैदानावर खेळवला जाणार आहे. या सामन्यात टीम इंडियाचा स्टार फलंदाज विराट कोहलीच्या नजरा सचिन तेंडुलकरच्या आणखी एका विक्रमावर असतील. एमसीजीमध्ये सर्वाधिक धावा करणाऱ्या फलंदाजांच्या यादीत सचिन तेंडुलकर पहिल्या क्रमांकावर आहे. तर विराट कोहली तिसऱ्या क्रमांकावर आहे. मात्र, दोन्ही खेळाडूंच्या धावांमधील फरक फारसा नाही. चौथ्या कसोटीच्या दोन्ही डावात किंग कोहलीने 134 धावा केल्या तर तो इतिहास रचेल.
विराट कोहलीने आतापर्यंत मेलबर्नमध्ये खेळल्या गेलेल्या 3 सामन्यांच्या 6 डावात 52.66 च्या उत्कृष्ट सरासरीने 316 धावा केल्या आहेत. या दरम्यान त्याच्या नावावर एक शतक आणि दोन अर्धशतके आहेत.
या यादीत अव्वल स्थानावर असलेल्या ‘क्रिकेटचा देव’ सचिन तेंडुलकरच्या नावावर 5 सामन्यांच्या 10 डावांमध्ये 44.90 च्या सरासरीने 449 धावा आहेत. आता सचिन तेंडुलकर आणि विराट कोहली यांच्यात केवळ 134 धावांचा फरक आहे. यावेळी, एमसीजी मध्ये या धावा करून, विराट कोहली इतिहास रचण्याकडे लक्ष देईल कारण यानंतर तो ऑस्ट्रेलिया दौऱ्यावर येईल की नाही हे माहित नाही.
या यादीतील दुसऱ्या खेळाडूबद्दल बोलायचे झाले तर तो दुसरा कोणी नसून अजिंक्य रहाणे आहे. गेल्या ऑस्ट्रेलिया दौऱ्यावर रहाणेने याच मैदानावर शतक झळकावून भारताला विजय मिळवून दिला होता. रहाणेने येथे खेळल्या गेलेल्या 3 सामन्यांच्या 6 डावात 73.80 च्या उत्कृष्ट सरासरीने 369 धावा केल्या आहेत. विनू मंकडनंतर अजिंक्य रहाणे हा या मैदानावर दोन शतके करणारा दुसरा भारतीय ठरला आहे.
हेही वाचा-
रोहित-विराटपासून, सुनिल छेत्री-राफेल नदाल पर्यंत, या वर्षात अनेक दिग्गजांनी घेतली निवृत्ती
अंडर-19 आशिया कपमध्ये भारतीय संघ ठरला चॅम्पियन, फायनलमध्ये बांग्लादेशला लोळवले
Year Ender 2024: जेव्हा घरच्या मैदानावर भारताचा कसोटीत मोठा पराभव झाला, किवी संघाने रचलेला इतिहास
Comments are closed.