कसोटी क्रिकेटमध्ये सर्वाधिक षटकार ठोकणारे फलंदाज कोण? पाहा संपूर्ण यादी

कसोटी क्रिकेट हा नेहमीच संयम आणि तंत्राचा खेळ मानला जात आहे, परंतु काळानुसार या स्वरूपात आक्रमकता देखील आली आहे. मर्यादित षटकांच्या क्रिकेटचा परिणाम आता कसोटीतही दिसून येत आहे, जिथे फलंदाज मुक्तपणे षटकार मारण्यास मागेपुढे पाहत नाहीत. यामुळेच आता असे खेळाडू उदयास येत आहेत जे कसोटीतही लांब फटके मारण्यासाठी ओळखले जातात.

कसोटी क्रिकेटच्या इतिहासात सर्वाधिक षटकार मारणाऱ्या पाच फलंदाजांवर एक नजर टाकूया

बेन स्टोक्स – 133 षटकार

इंग्लंडचा सध्याचा कसोटी कर्णधार बेन स्टोक्सने आक्रमक क्रिकेटचे एक नवीन उदाहरण सादर केले आहे. त्याने आतापर्यंत 112 कसोटी सामन्यांच्या 201 डावात 6781 धावा केल्या आहेत, ज्यामध्ये 133 शानदार षटकारांचा समावेश आहे. या आकड्यासह, स्टोक्स आता कसोटी इतिहासात सर्वाधिक षटकार मारणारा फलंदाज बनला आहे. त्याची सरासरी 35.31 आहे, त्याने कसोटीत 786 चौकारही मारले आहेत. स्टोक्सची फलंदाजीची शैली इंग्लंडच्या “बॅझबॉल” विचारसरणीचा एक महत्त्वाचा भाग बनली आहे.

ब्रेंडन मॅक्युलम – 107 षटकार

न्यूझीलंडचा माजी कर्णधार आणि सध्याचा इंग्लंडचा मुख्य प्रशिक्षक ब्रेंडन मॅक्युलमने कसोटी क्रिकेटमध्ये आक्रमकतेचा पाया रचला आहे. त्याने 101 कसोटी सामन्यांमध्ये 6453 धावा केल्या आहेत आणि 107 षटकार मारले आहेत. या दरम्यान त्याची फलंदाजीची सरासरी 38.64 होती. त्याने 776 चौकारही मारले आहेत. ‘बॅझबॉल’ शैलीचा जनक म्हणून ओळखला जाणारा मॅक्युलमच्या आक्रमक दृष्टिकोनामुळे कसोटी क्रिकेटची जुनी विचारसरणी बदलली आहे.

अ‍ॅडम गिलख्रिस्ट – 100 षटकार

तिसऱ्या स्थानावर ऑस्ट्रेलियाचा माजी यष्टिरक्षक फलंदाज अ‍ॅडम गिलख्रिस्ट आहे, ज्याने केवळ ग्लोव्हजनेच नव्हे तर बॅटनेही विरोधी संघांना मात दिला. त्याने 96 कसोटी सामन्यांमधील 137 डावांमध्ये 5570 धावा केल्या आहेत. या फाॅरमॅटमध्ये त्याच्या नावावर 100 षटकार आहेत. त्याची सरासरी 47.60 आहे आणि चौकारांची संख्या 677 आहे.

टिम साउदी – 98 षटकार

हे नाव थोडे आश्चर्यकारक वाटेल पण न्यूझीलंडचा वेगवान गोलंदाज टिम साउदी फलंदाजीनेही धोकादायक आहे. त्याने 107 कसोटी सामन्यांमध्ये 2245 धावा केल्या आहेत आणि 98 षटकार मारले आहेत. त्याची सरासरी जरी 15.48 असली तरी तो खालच्या क्रमात जलद धावा करण्यात तो अतुलनीय आहे.

ख्रिस गेल – 98 षटकार

‘युनिव्हर्स बॉस’ ख्रिस गेल केवळ मर्यादित षटकांमध्येच नव्हे तर कसोटी सामन्यांमध्येही षटकारांचा राजा आहे. त्याने 103 कसोटी सामन्यांच्या 182 डावांमध्ये 7214 धावा केल्या आहेत आणि 98 षटकार मारले आहेत. यामध्ये त्याची सरासरी 42.18 होती आणि त्याने 1046 चौकारही मारले आहेत. गेलची शैली कसोटी क्रिकेटमध्ये तितकीच धोकादायक आहे जितकी ती टी२० मध्ये आहे.