मुंबई महापौर बीएमसी निवडणूक निकाल 2026: मुंबई महानगरपालिका निवडणुकीचा निकाल शुक्रवारी जाहीर झाला. यामध्ये भाजपने 89 जागा जिंकत सर्वात मोठा पक्ष होण्याचा बहुमान मिळवला. तसेच मुंबई महानगरपालिकेवर (Mumbai Mahangarpalika) गेल्या 25 वर्षांपासून असलेली शिवसेना आणि ठाकरेंची सत्ता भाजप-शिंदे सेनेच्या युतीने उलथवून लावली. यंदाच्या मुंबई महानगरपालिकेच्या निवडणुकीपूर्वी मुंबईचा महापौर (Mumbai Mayor) कोण होणार, याची जोरदार चर्चा रंगली होती. ठाकरे बंधूंनी मुंबईचा महापौर हा मराठी व्यक्तीच असेल, असे जाहीर केले होते. त्यामुळे सुरुवातीला मुंबईचा महापौर हिंदू होणार, असे बोलणाऱ्या भाजपला (BJP) नंतरच्या टप्प्यात मुंबईचा महापौर मराठी व्यक्तीच होईल, हे स्पष्ट करावे लागले आहे. आता भाजपने मुंबई जिंकल्यानंतर बृहन्मुंबई महानगरपालिकेचा महापौर कोण होणार, याची उत्सुकता सर्वांना लागली आहे. याबाबत एक महत्त्वाची माहिती समोर आली आहे. (Mumbai Latest news)
मुंबईचा महापौर नेमका कोण होणार, यासाठी जानेवारी महिन्याच्या अखेरपर्यंत वाट पाहावी लागणार आहे. सूत्रांच्या माहितीनुसार, जानेवारी अखेरीस महापौर निवड होण्याची शक्यता आहे. पुढील आठवड्यात नगरविकास खाते महापौर पदासाठी सोडत काढणार आहे. महापौर सोडतीनंतर 10 दिवसांनी मुंबईचा महापौर निवडला जाईल, अशी माहिती सूत्रांनी दिली आहे.
मुंबई महानगरपालिका निवडणुकीत भाजपने 89 आणि शिंदे सेनेने 29 जागा जिंकल्या आहेत. त्यामुळे नैसर्गिकरित्या महापौर पदावर भाजपचा दावा आहे. मात्र, शिंदे सेनेच्या काही नेत्यांनीही मुंबईच्या महापौरपदावर दावा ठोकला आहे. मुंबई महानगरपालिकेत सत्तास्थापन करण्यासाठी 114 जागांची गरज आहे. हा आकडा भाजपला एकट्याला गाठता येणार नाही. त्यामुळे त्यांना शिंदे गटाची मदत घ्यावीच लागणार आहे. त्यामुळे शिंदे गट महापौरपदासाठी अडून बसणार का, हे बघावे लागेल.
Mumbai Mayor Election: मुंबईचा महापौर कोण होणार?
मुंबईतील अमराठी मतदारांनी भाजपला एकगठ्ठा मतदान करुन त्यांच्या विजयात मोठा वाटा उचलला आहे. मुंबईतील मराठीबहुल भागात ठाकरे बंधूंच्या जागा निवडून आल्या. मात्र, अमराठी लोकसंख्या असलेल्या भागांमधून भाजपला मोठे यश मिळाले होते. मुंबई हे आंतरराष्ट्रीय शहर आहे. त्यामुळे जगातील अन्य देशांप्रमाणे कॉस्मोपॉलिटीन मुंबईत अमराठी व्यक्ती महापौर झाल्यास गैर काय, असा युक्तिवाद काहीजणांकडून करण्यात आला होता. त्यामुळे भाजप खरोखरच मुंबईत अमराठी व्यक्तीला महापौरपदी बसवणार का, हे बघावे लागेल. महापौरपदासाठी भाजपमधील अनेक नगरसेवक इच्छूक आहेत. यापैकी कोणाची महापौरपदी वर्णी लागणार, हे बघावे लागेल.
आणखी वाचा
आणखी वाचा
Comments are closed.