Chiplun News – स्मार्ट मीटरची सक्ती नको, महावितरणच्या मनमानी विरोधात चिपळूणमध्ये महाविकास आघाडीचे आंदोलन

स्मार्ट मीटर लावण्यासाठी होत असलेली सक्ती आणि महावितरणच्या मनमानी कारभाराविरोधात आज चिपळूणात महाविकास आघाडीने धडक आंदोलन केले. महावितरणच्या मनमानी कारभाराचा पाढा वाचताना स्मार्ट मीटरची सक्ती करू नका, अशी मागणी महाविकास आघाडीच्या शिष्टमंडळाने केली.

चिपळूण नगर परिषदेने वीजबील थकवले सांगून महावितरणने शहरातील विद्युत पुरवठा खंडित करून नागरिकांना त्रास दिला त्याचाही जाब महावितरणच्या अधिकाऱ्यांना विचारण्यात आला. त्याचबरोबर वारंवार खंडित होणारा वीज पुरवठ्याबाबतही तक्रारी करण्यात आल्या. स्मार्ट मीटरची होत असलेली सक्ती याबाबत उद्याच्या मोर्चात आवाज उठवला जाणार आहे.या मोर्चामध्ये शिवसेना उद्धव बाळासाहेब ठाकरे पक्षाचे उपजिल्हाप्रमुख प्रताप शिंदे ,क्षेत्रप्रमुख बाळा कदम, तालुकाप्रमुख बळीराम गुजर, माजी आमदार रमेश कदम, कॉंग्रेसच्या जिल्हाधक्ष सोनलक्ष्नी घाग व इतर पदाधिकारी उपस्थित होते.