नाशिकमध्ये रंगपंचमीला गालबोट; दोन सख्ख्या भावांची निर्घृण हत्या, मृतांपैकी एक अजित पवार गटाचा पदाधिकारी

बुधवारी राज्यभरात रंगपंचमी उत्साहात साजरी होत असताना नाशिकमध्ये मात्र या सणाला गालबोट लागले. उपनगर पोलीस स्थानकाच्या हद्दीत येणाऱ्या आंबेडकरवाडीमध्ये दोन सख्ख्या भावांची निर्घृणपणे हत्या करण्यात आली. उमेश जाधव आणि प्रशांत जाधव अशी मृतांची नावे आहेत. मृतांपैकी उमेश जाधव हा राष्ट्रवादी काँग्रेस अजित पवार गटाचा पदाधिकारी होता.