नेपाळमध्ये संसद पेटवली, न्यायालयातही जाळपोळ; आंदोलकांनी तुरुंग फोडून रवी लामिछाने यांना सोडवलं

काठमांडू : नेपाळमध्यो मोठी अनागोंदी माजली असून आक्रमक झालेल्या युवकांनी नेपाळची संसद पेटवली आहे. त्याचसोबत नेपाळच्या न्यायालयाच्या परिसरातही आग लावण्यात आली. तसेच युवकांनी नेपाळच्या मंत्र्यांची घरांवरही हल्ला केला असून जिकडे तिकडे नुसता गोंधळ माजल्याचं दिसून येतंय. नेपC.मधील आंदोलनानंतर मंत्र्यांनी देश सोडायला सुरूवात केली आहे. तर नेपाळचे पंतप्रधान केपी शर्मा ओली यांनी त्यांच्या पदाचा राजीनामा दिला. तर बालेन शाह यांनी नवीन सरकार बनवण्यासाठी हालचाली सुरू केल्याची माहिती आहे.

नेपाळमध्ये सरकारने सोशल मीडियावर निर्बंध लादण्याचं कारण झालं आणि तरुणाई आक्रमक झाली. त्यानंतर आंदोलकांनी नेपाळच्या संसदेवर मोर्चा नेला, अनेक ठिकाणी हिंसा झाली. त्यानंतर सोशल मीडियावरील बंदी मागे घेतली असली तरी आंदोलक मागे हटायला तयार नाहीत.

Nepal Protest News : आगीचं आणि धुराचं साम्राज्य

नेपाळमधील भ्रष्टाचार संपवावा, पोलिस व्यवस्थेत सुधारणा व्हावी यासह अनेक मागण्या आंदोलकांनी केल्या आहेत. या मागण्यांसाठी आंदोलकांनी संसदेच्या आवारात आग लावली. तसेच मंत्र्यांच्या घरांनाही आग लावली. त्यामुळे नेपाळमध्ये सध्या फक्त आगीचं आणि धुराचं साम्राज्य असल्याचं दिसून येत आहे.

Nepal Youth Protest : मंत्री दुबईला पळून जाण्याच्या तयारीत

नेपाळची राजधानी काठमांडू इथे सरकारविरोधात कमालीचा हिंसाचार पेटला आहे. पंतप्रधान केपी शर्मा ओली यांच्यासह नेपाळच्या गृहमंत्री, आरोग्य मंत्री, कृषिमंत्र्यांसह दहा मंत्र्यांनी राजीनामा दिला. उपचाराचं कारण देत केपी ओली दुबईत पळ काढण्याच्या तयारीत असल्याचं समजतं.

दुसरीकडे आंदोलकांनी राष्ट्रपतींच्या घरावर कब्जा करत तिथे नासधूस, तोडफोड केली. घरातल्या अनेक गोष्टी आंदोलकांनी लुटून नेल्याचं उघड झालं. दरम्यान उर्जामंत्री दीपक खडकांच्या घराबाहेर आंदोलकांनी नेपाळी चलनाच्या नोटा उधळल्या.

आंदोलक मागे हटायला तयार नाहीत

खरंतर सोमवारी झालेल्या हिंसाचारानंतर सरकारने सोशल मीडियावरील बंदी मागे घेण्याचं जाहीर केलं. मात्र आंदोलक आता मागे हटायला तयार नाहीत. देशात हिंसाचाराची आणि आंदोलकांच्या मृत्यूची जबाबदारी घेत केपी शर्मा ओली सरकारने राजीनामा द्यावा अशी मागणी आंदोलकांनी केली होती. त्यावरून पुन्हा हिंसाचार सुरू झाला?

नेपाळमध्ये सत्तांतर, बालेश साह यांच्याकडे नेतृत्व जाणार

तरुणाईच्या उद्रेकानंतर अखेर नेपाळमध्ये पंतप्रधान ओलींना राजीनामा द्यावा लागला. त्यामुळे नेपाळमध्ये अखेर सत्तांतर होणार आहे. बालेन शाह यांचं नाव पंतप्रधानपदासाठी सर्वात आघाडीवर आहे. बालेन शाह नेपाळी रॅपर, म्युजिक कंपोजर आणि काठमांडूचे महापौर आहेत. एक तरुण चेहरा म्हणून बालेन शाह यांच्याकडे पाहिलं जातं आहे. बालेन शाह यांनी तरुणाच्या आंदोलनाला पाठिंबा दिला. लष्करानं सूत्र हाती घेतल्यानंतर बालेन शाह यांच्याकडे अंतरिम पंतप्रधानपद दिलं जाण्याची शक्यता आहे.

ही बातमी वाचा:

आणखी वाचा