विदेशमंत्री एस. जयशंकर यांच्याशी द्विपक्षीय चर्चा
वृत्तसंस्था/ नवी दिल्ली
नेपाळचे परराष्ट्रमंत्री शिशिर खनाल शनिवारी दुपारी भारतात दाखल झाले. परराष्ट्र मंत्री एस. जयशंकर यांच्या निमंत्रणावरून हा दौरा करण्यात आला आहे. त्यांनी शनिवारी संध्याकाळी जयशंकर यांच्यासोबत औपचारिक बोलणी केली. त्यांच्या या भेटीत द्विपक्षीय संबंधांशी संबंधित चर्चा करण्यात आली. तथापि, तातडीने कोणतीही अधिकृत माहिती जारी करण्यात आली नव्हती. आता रविवारी दुपारी ते नेपाळला परततील.
मार्चमध्ये नेपाळमध्ये पंतप्रधान बालेन शाह यांचे सरकार सत्तेवर आल्यापासून भारतासोबतचा हा सर्वोच्च स्तरावरील सरकारी संपर्क मानला जात आहे. दोन्ही देश या दौऱ्यावर बारकाईने लक्ष ठेवून आहेत. नेपाळच्या नॅशनल इंडिपेंडंट पार्टीचे अध्यक्ष रवी लामिछाने हेदेखील सध्या भारतात आहेत. त्यांनी बुधवारी पंतप्रधान नरेंद्र मोदी यांची भेट घेतली. परिणामी, नेपाळकडून सुरू असलेला हा उच्चस्तरीय संपर्क दोन्ही देशांमधील संबंधांमध्ये एक नवीन गती म्हणून पाहिला जात आहे.
Comments are closed.