नवी दिल्ली: दिल्ली पोलिसांच्या क्राइम ब्रँचने बिहार पोलिसांसह बिहारच्या कुख्यात रंजन पाठक टोळीच्या चार सदस्यांना रोहिणी येथे पहाटे 2:20 च्या सुमारास चकमकीत ठार केले. या टोळीचे सदस्य आगामी बिहार विधानसभा निवडणुकीपूर्वी काही मोठी गुन्हेगारी घटना घडविण्याचा कट आखत असल्याची गुप्त माहिती मिळाली होती.
दिल्ली पोलिसांची गुन्हे शाखा आणि बिहार पोलिसांच्या संयुक्त पथकाने परिसरात सापळा रचला. पोलिसांच्या पथकाने संशयितांना रोखण्याचा प्रयत्न केला असता त्यांनी गोळीबार सुरू केला. पोलिसांनीही प्रत्युत्तर दिले, त्यानंतर दोन्ही बाजूंमध्ये चकमक झाली. चारही आरोपींना गोळी लागल्याने त्यांना रोहिणी येथील रुग्णालयात नेण्यात आले, तेथे डॉक्टरांनी त्यांना मृत घोषित केले.
रंजन पाठक, बिमलेश महातो उर्फ बिमलेश साहनी (25), मनीष पाठक (33) आणि अमन ठाकूर (21) अशी ठार झालेल्यांची नावे आहेत. हे चौघेही बिहारमधील अनेक हत्या आणि सशस्त्र दरोड्यासह अनेक गुन्ह्यांमध्ये वाँटेड होते.
रंजन पाठक, बिमलेश महतो आणि मनीष पाठक हे बिहारच्या सीतामढीचे रहिवासी होते आणि अमन ठाकूर दिल्लीतील करवाल नगर येथील रहिवासी होते.
दिल्ली पोलिस आणि बिहार पोलिसांच्या वरिष्ठ अधिकाऱ्यांनी घटनास्थळी भेट दिली आणि फॉरेन्सिक आणि गुन्हे घटना तपास पथकांना पाचारण करण्यात आले. पुढील तपास सुरू आहे : गुन्हे शाखेचे डीसीपी संजीव यादव
Comments are closed.