रोहितने या खेळाडूंना दिले विजयाचे श्रेय, कोहलीबद्दलही दिली भावनिक प्रतिक्रिया!

चॅम्पियन्स ट्रॉफीमध्ये भारतीय संघाने पाकिस्तानी संघाचा 6 विकेट्सने शानदार पराभव केला. प्रथम फलंदाजी करताना पाकिस्तानने भारतीय संघासमोर 241 धावांचे लक्ष्य ठेवले होते, जे विराट कोहलीच्या शतकामुळे भारताने सहज साध्य केले. कोहली टीम इंडियासाठी सर्वात मोठा हिरो ठरला. त्याने 100 धावा काढून नाबाद परतला. सामन्यानंतर कर्णधार रोहित शर्माने अनेक खेळाडूंचे कौतुक केले.

भारतीय कर्णधार रोहित शर्माने एकदिवसीय क्रिकेटमध्ये 51वे शतक ठोकल्याबद्दल विराट कोहलीचे कौतुक केले आणि म्हटले की विराटला देशासाठी खेळणे आणि त्याचे सर्वोत्तम देणे आवडते, त्याने आज तेच केले. ड्रेसिंग रूममधील लोकांना त्याच्या कामगिरीने आश्चर्य वाटले नाही. रोहित म्हणाला की सर्व खेळाडूंनी त्यांच्याकडून जे अपेक्षित होते ते केले.

भारतीय कर्णधार रोहित शर्मा म्हणाला की, आम्ही शानदार गोलंदाजी केली. आम्हाला माहित होते की खेळपट्टी मंदावेल. पण आम्हाला आमच्या अनुभवी फलंदाजांवर विश्वास होता. कुलदीप, अक्षर आणि जडेजा हे देखील विजयाचे श्रेय पात्र आहेत. मोहम्मद रिझवान आणि सौद शकील यांनी चांगली भागीदारी केली पण सामन्यावर नियंत्रण राखणे महत्त्वाचे होते. मोहम्मद शमी, हार्दिक पांड्या आणि हर्षित राणा यांनीही चांगली गोलंदाजी केली. संपूर्ण संघाने चांगली कामगिरी केली.

या सामन्यात भारतीय संघाकडून कुलदीप यादवने शानदार गोलंदाजी केली. त्याने सर्वाधिक तीन विकेट्स घेतल्या. त्याच्याशिवाय अक्षर पटेल आणि रवींद्र जडेजा यांनी प्रत्येकी 1-1 विकेट घेतली. या खेळाडूंमुळे पाकिस्तानी फलंदाजांना मोठी धावसंख्या उभारता आली नाही. या गोलंदाजांनी पाकिस्तानी खेळाडूंना अडचणीत आणले.

पाकिस्तानविरुद्धच्या सामन्याच्या मध्यभागी रोहित शर्मा मैदानाबाहेर पडला. क्षेत्ररक्षण करताना तो अडचणीत सापडला होता आणि त्याला हॅमस्ट्रिंगचा त्रास झाल्याचे दिसून आले. त्याने त्याच्या तंदुरुस्तीबद्दलच्या चिंता फेटाळून लावल्या. तो म्हणाला की हॅमस्ट्रिंग आता ठीक आहे.

हेही  वाचा-

‘प्रामाणिकपणे सांगायचे तर…’, टीम इंडियाच्या विजयानंतर किंग कोहलीचे हृदयस्पर्शी वक्तव्य
विराट कोहलीने लिहिला नवा इतिहास, आयसीसी स्पर्धेत ‘न भूतो न भविष्यति’ कामगिरी!
‘आम्ही चूकलो, भारताने चांगली….’, पाकिस्तानच्या पराभवानंतर कर्णधार रिजवानचे स्पष्ट वक्तव्य