गेले काही दिवस राज्यभरात अधूनमधून विश्रांती घेत कोसळत असलेल्या पावसाचा जोर वाढणार आहे. पुढील दोन दिवसांत कोकण किनारपट्टीसह मध्य महाराष्ट्र आणि विदर्भातील अनेक भागांत मध्यम ते मुसळधार पाऊस कोसळेल, असा अंदाज हवामान विभागाने वर्तवला आहे. दक्षिण मध्य महाराष्ट्रातील अनेक भागांत हलका ते मध्यम पाऊस पडण्याची शक्यता वर्तवण्यात आली आहे, तर उत्तर मध्य महाराष्ट्रातील काही जिल्ह्यांत जोरदार पाऊस आणि मराठवाड्यातील काही जिल्ह्यांत मेघगर्जनेसह पाऊस पडेल, असे हवामान अभ्यासक पंजाबराव डख यांनी म्हटले आहे. राज्यातील शेतकऱ्यांनी स्थानिक हवामानाचा अंदाज लक्षात घेऊन शेतीचे आवश्यक ते नियोजन करावे, असे आवाहन हवामान विभागाकडून करण्यात आले आहे.
Comments are closed.