मोठी बातमी! इंग्लंड दाैऱ्यात टीम इंडियाला धक्का, नितीश रेड्डी मालिकेबाहेर; अचानक 'या' खेळाडूची एंट्री

इंग्लंडविरुद्धच्या IND vs ENG एकदिवसीय (ODI) मालिकेच्या सुरुवातीपूर्वीच भारतीय संघात मोठा बदल करण्यात आला आहे. दुखापतीमुळे बराच काळ मैदानाबाहेर असलेल्या अष्टपैलू खेळाडू नितीश कुमार रेड्डीला Nitish Kumar Reddy आता संपूर्ण एकदिवसीय मालिकेतून बाहेर पडावे लागले आहे. बीसीसीआयच्या BCCI निवड समितीने त्याच्या जागी अष्टपैलू खेळाडू शिवम दुबेची Shivam Dube निवड केली आहे.

बीसीसीआयने BCCI 6 जुलै रोजी याची अधिकृत घोषणा केली. अफगाणिस्तानविरुद्धच्या तिसऱ्या एकदिवसीय सामन्यादरम्यान नितीश कुमार रेड्डीच्या मांडीच्या स्नायूला (क्वाड्रिसेप्स) दुखापत झाली होती. तो अजूनही त्यातून पूर्णपणे सावरलेला नाही. परिणामी, त्याला मैदानात परतता आलेले नाही, तो कधी पूर्ण तंदुरुस्त होऊन पुन्हा क्रिकेट खेळू शकेल, हे अद्याप स्पष्ट झालेले नाही. याआधी रेड्डी आयर्लंड आणि इंग्लंडविरुद्धच्या टी-20 मालिकेला मुकला होता. आता तो इंग्लंडविरुद्धच्या तीन सामन्यांच्या एकदिवसीय मालिकेलाही मुकणार आहे. ही मालिका 14 जुलै ते 19 जुलै या कालावधीत खेळवली जाणार आहे.

वास्तविक, हार्दिक पांड्याच्या दुखापतीनंतर नितीश कुमार रेड्डीकडे एकदिवसीय संघात आपले स्थान पक्के करण्याची सुवर्णसंधी होती. हार्दिक सध्या बंगळुरू येथील सेंटर ऑफ एक्सलन्स मध्ये पुनर्वसन प्रक्रियेतून जात आहे. मात्र, रेड्डीच्या दुखापतीमुळे त्याच्या आशांवर पाणी फिरले आणि त्याला या महत्त्वपूर्ण मालिकेतून बाहेर पडावे लागले. शिवाय, 23 जुलैपासून सुरू होणाऱ्या झिम्बाब्वेविरुद्धच्या टी-20 मालिकेसाठीही त्याचा भारतीय संघात समावेश करण्यात आलेला नाही. यावरून हे स्पष्ट होते की, निवडकर्त्यांना त्याला पूर्ण तंदुरुस्ती मिळवण्यासाठी पुरेसा आराम द्यायचा आहे.

दरम्यान, झिम्बाब्वे दौऱ्यासाठी भारतीय Team India T20 Squad टी-20 संघाची घोषणा करताना अनेक आश्चर्यकारक निर्णयही घेण्यात आले. टी-20 विश्वचषक 2026 मध्ये प्रभावी कामगिरी करणाऱ्या संजू सॅमसनला संघात स्थान मिळाले नाही, तर युवा फलंदाज वैभव सूर्यवंशीला पुन्हा एकदा संधी देण्यात आली. याव्यतिरिक्त, अक्षर पटेल, वॉशिंग्टन सुंदर, रवी बिश्नोई, हर्षित राणा, अर्शदीप सिंग आणि प्रसिद्ध कृष्णा यांचा टी-20 संघात समावेश नाही. मात्र, यश ठाकूर, अशोक शर्मा, मयंक यादव आणि प्रभसिमरन सिंग यांना झिम्बाब्वे दौऱ्यासाठी पहिल्यांदाच बोलावण्यात आले आहे, तर रिंकू सिंगचे संघात पुनरागमन झाले आहे.

इंग्लंडविरुद्धच्या एकदिवसीय मालिकेसाठी भारताचा अपडेटेड संघ: शुबमन गिल (कर्णधार), रोहित शर्मा, विराट कोहली, श्रेयस अय्यर (उपकर्णधार), केएल राहुल (यष्टीरक्षक), इशान किशन (यष्टीरक्षक), वॉशिंग्टन सुंदर, अक्षर पटेल, कुलदीप यादव, जसप्रीत बुमराह, प्रसिद्ध कृष्णा, हर्षित राणा, अर्शदीप सिंग, गुरनूर ब्रार आणि शिवम दुबे