वर्कलोड मॅनेजमेंटच्या नावाखाली सुट्ट्या बंद? इंग्लंडहून परतताच बीसीसीआयचा मोठा निर्णय!

बीसीसीआय: वर्कलोड मॅनेजमेंटच्या नावाखाली खेळाडूंच्या मनमानीवर आता पूर्णपणे लगाम घालण्याची तयारी सुरू आहे. खेळाडू आता आपल्या मनानुसार कोणत्या सामन्यात खेळायचे आणि कोणते सामने सोडायचे हे ठरवू शकणार नाहीत. इंग्लंड दौऱ्यात वर्कलोडच्या मुद्द्यावर बरीच चर्चा झाली. जसप्रीत बुमराहने 5 सामन्यांच्या कसोटी मालिकेत फक्त तीनच सामने खेळले. (India vs England Test Series)

वर्कलोडच्या नावाखाली बुमराहला सर्वात महत्त्वाच्या पाचव्या कसोटी सामन्यात खेळवले नाही. या निर्णयावर जोरदार टीका झाली. दुसरीकडे, संपूर्ण मालिकेत मोहम्मद सिराजने 185 षटके टाकली आणि तो सर्व 5 सामन्यांमध्ये प्लेइंग इलेव्हनचा भाग होता. या सर्व बाबी लक्षात घेऊन बीसीसीआय खेळाडूंची मनमानी पूर्णपणे थांबवण्याचा विचार करत आहे. (BCCI Workload Management)

‘पीटीआय’च्या एका रिपोर्टनुसार, मालिकेतील पाचव्या कसोटीत जसप्रीत बुमराहच्या न खेळण्यामुळे बीसीसीआय नाराज आहे. यासोबतच सर्व खेळाडूंना असा संदेशही पाठवला जाईल की, भविष्यात ते आपल्या सोयीनुसार सामने खेळण्याचा किंवा सोडण्याचा निर्णय घेऊ शकणार नाहीत.

बीसीसीआयच्या एका सूत्राने पीटीआयशी बोलताना सांगितले की, “याबद्दल चर्चा झाली आहे आणि कॉन्ट्रॅक्ट लिस्टमध्ये असलेल्या खेळाडूंना संदेश पाठवला जाईल की भविष्यात ते स्वतःच्या इच्छेनुसार सामने खेळण्याचा किंवा सोडण्याचा निर्णय घेऊ शकणार नाहीत. हा स्पष्ट संदेश विशेषतः अशा खेळाडूंना दिला जाईल, जे तिन्ही फॉरमॅटमध्ये सातत्याने खेळतात.” (Cricket Player Contracts)

सूत्राने पुढे सांगितले की, “मात्र, याचा अर्थ असा नाही की वर्कलोड मॅनेजमेंटकडे दुर्लक्ष केले जाईल. खेळाडूंच्या वर्कलोडची अधिक चांगल्या पद्धतीने काळजी घेतली जाईल. अर्थात, वेगवान गोलंदाजांचा वर्कलोड मॅनेज करणे खूप महत्त्वाचे आहे, पण या नावाखाली खेळाडू महत्त्वाचे सामने सोडू शकणार नाहीत.” (BCCI New Rules)