प्रथम फलंदाजीसाठी आमंत्रित केल्यानंतर इंग्लंडची सुरुवात खराब झाली आणि 10 धावांपर्यंत 4 विकेट पडल्या आणि 56 धावांपर्यंत पोहोचेपर्यंत 6 खेळाडू बाद झाले होते. पण १२व्या क्रमांकावर फलंदाजीला आलेल्या ब्रूकने एक टोक पकडून उत्कृष्ट शतक झळकावले.
ब्रूकने 101 चेंडूत 135 धावांची खेळी खेळली, ज्यात त्याने 9 चौकार आणि 11 षटकार मारले. त्याच्याशिवाय अष्टपैलू जेमी ओव्हरटनने 54 चेंडूत 46 धावांची खेळी केली. दोघांमध्ये सातव्या विकेटसाठी 87 धावांची भागीदारी झाली. या दोघांशिवाय इतर कोणत्याही खेळाडूला दुहेरी आकडा गाठता आला नाही आणि इंग्लंडने 35.2 षटकांत 223 धावा केल्या.
न्यूझीलंडकडून झॅकरी फॉक्सने 4, जेकब डफीने 3, मॅट हेन्रीने 2 आणि मिचेल सँटनरने 1 बळी घेतला.
लक्ष्याचा पाठलाग करताना ऑस्ट्रेलियाची सुरुवात खराब झाली आणि पहिले 3 विकेट स्वस्तात पडल्या. या सामन्यातून आंतरराष्ट्रीय क्रिकेटमध्ये पुनरागमन करणाऱ्या केन विल्यमसनला खातेही उघडता आले नाही. डॅरिल मिशेल आणि मायकेल ब्रेसवेल यांनी डावाची धुरा सांभाळत पाचव्या विकेटसाठी ९४ धावांची भागीदारी केली.
सर्वाधिक धावा करणाऱ्या मिचेलने 91 चेंडूत 78 धावांची नाबाद खेळी केली. तर ब्रेसवेलने ५१ चेंडूत ५१ धावा केल्या. याशिवाय मिचेल सँटनरने 27 आणि टॉम लॅथमने 24 धावांचे योगदान दिले.
इंग्लंडकडून ब्रेडन कारसेने 3, ल्यूक वुड आणि आदिल रशीदने प्रत्येकी 1 बळी घेतला.
मालिकेतील दुसरा वनडे सामना 29 ऑक्टोबर रोजी सेडॉन पार्क, हॅमिल्टन येथे खेळवला जाईल.
Comments are closed.