अरे देवा! 'या' सॅमसंग स्मार्टफोन्सच्या किमतीत वाढ, Xiaomi नेही ग्राहकांना दिला धक्का… बजेटवर थेट परिणाम

• Samsung Galaxy M17 5G ची किंमत वेगवेगळ्या रॅम प्रकारांसाठी ₹1,000 ते ₹3,000 पर्यंत वाढवण्यात आली आहे.
• Galaxy F17 5G, F70e 5G आणि M17e 5G च्या काही प्रकारांच्या किमती देखील ₹1,000 ते ₹2,000 पर्यंत वाढल्या आहेत.
• Xiaomi Pad 8 च्या 8GB+128GB आणि 12GB+256GB व्हेरियंटची किंमत अनुक्रमे ₹3,000 आणि ₹5,000 ने वाढली आहे.

अलीकडे एक टेक कंपनी सॅमसंग द्वारे Samsung Galaxy M17 5G, Galaxy F17 5G, Galaxy F70e 5G आणि इतर मिड-रेंज स्मार्टफोन भारतात लॉन्च केले गेले. तसेच, Xiaomi ने या वर्षी मे मध्ये Xiaomi Pad 8 फ्लॅगशिप टॅबलेट म्हणून लॉन्च केला होता. लॉन्च झाल्यानंतर अवघ्या काही महिन्यांतच कंपनीने या उपकरणाची किंमत वाढवण्याचा निर्णय घेतला आहे. त्यामुळे ग्राहकांना मोठा फटका बसला आहे. कंपनीने आपल्या उपकरणांच्या किमती वाढवण्याची ही पहिलीच वेळ नाही. Xiaomi Pad 8 साठी गेल्या दोन महिन्यांतील ही दुसरी दरवाढ आहे, तर Samsung Galaxy F आणि Galaxy M मालिकेतील फोनसाठी गेल्या सहा महिन्यांतील दुसरी दरवाढ आहे.

लिक्विड कूलिंग सिस्टमसह नवीन iQOO स्मार्टफोन लॉन्च! स्टायलिश डिझाईन युजर्सची मने जिंकेल, किंमत ऐकून त्यांना आश्चर्य वाटेल

Samsung Galaxy F आणि M सीरीजच्या किमती वाढल्या

Tipster Debyan Roy (@Gadgetsdata) यांनी दावा केला आहे की Samsung Galaxy M17 5G च्या 4GB मॉडेलची किंमत रु. 1,000 ने, 6GB मॉडेलची किंमत रु. 2,000 आणि 8GB मॉडेलची किंमत रु. 3,000 ने वाढवली आहे. Galaxy F17 5G च्या 6GB मॉडेलच्या किमतीत 1 हजार रुपयांनी आणि 8GB मॉडेलच्या किमतीत 2 हजार रुपयांनी वाढ करण्याचा निर्णय घेण्यात आला आहे.

टिपस्टरने दावा केला आहे की Samsung Galaxy F70e 5G आणि Galaxy M17e 5G स्मार्टफोनच्या 4GB मॉडेलची किंमत 1,000 रुपयांनी आणि 6GB मॉडेलची किंमत 2,000 रुपयांनी वाढवण्यात आली आहे. यामुळे या दोन्ही स्मार्टफोनची सुरुवातीची किंमत आता १७,४९९ रुपये झाली आहे. त्याची लॉन्च किंमत 13,999 रुपये होती. (फोटो सौजन्यः सॅमसंग आणि शाओमी)

Vivo, iQOO, OPPO, OnePlus, Redmi आणि Poco नंतर

आता, Xiaomi (पॅड), रियलमी आणि सॅमसंगने त्यांच्या स्मार्टफोनच्या किमती ₹4000 पर्यंत वाढवल्या आहेत.

Xiaomi Pad 8 ची किंमत आता ₹3000 पर्यंत वाढली आहे,
• 8+128GB ची किंमत ₹38,999 आहे
• 12+256GB ची किंमत ₹43,999 आहे
• 12+256GB नॅनो टेक्सचर डिस्प्ले… pic.twitter.com/4WWO5vfq6j

— देबायन रॉय (Gadgetsdata) (@Gadgetsdata) 18 ऑगस्ट 2026

सोशल मीडियावर सरकारची नजर! पाच महिन्यांत तब्बल 1.95 लाख पोस्ट ब्लॉक करण्याचे आदेश, सविस्तर वाचा

Xiaomi Pad 8 च्या किमती वाढल्या

भारतातील 'Xiaomi Pad 8' ची ऑनलाइन सूची अपडेट करण्यात आली आहे, ज्यामध्ये कंपनीच्या फ्लॅगशिप टॅबलेटची नवीन किंमत दर्शविली गेली आहे. 8GB रॅम आणि 128GB ऑनबोर्ड स्टोरेजसह या टॅबलेटच्या बेस व्हेरिएंटची किंमत 38,999 रुपयांपासून सुरू होते. 12GB + 256GB रॅम आणि स्टोरेजसह टॉप-एंड व्हेरिएंट आता 43,999 रुपयांपासून सुरू होते. कंपनीने जूनमध्ये दोन्ही व्हेरियंटच्या किमती वाढवल्या होत्या. त्यावेळी, 8GB + 128GB व्हेरिएंटची किंमत 35,999 रुपये होती आणि 12GB + 256GB व्हेरिएंटची किंमत 38,999 रुपये होती. यानंतर आता या व्हेरियंटच्या किमतीत अनुक्रमे 3,000 आणि 5,000 रुपयांनी वाढ करण्यात आली आहे.