Saina Nehwal Retirement – ‘फुलराणी’चा बॅडमिंटनला रामराम; ऑलिम्पिक पदक विजेत्या सायना नेहवालची निवृत्तीची घोषणा

हिंदुस्थानची स्टार बॅडमिंटनपटू आणि ऑलिम्पिक पदक विजेती खेळाडू सायन नेहवाल हिने स्पर्धात्मक खेळातून निवृत्तीची घोषणा केली आहे. वाढते वय आणि दुखापतींमुळे शरीर साथ देत नसल्याचे म्हणत तिने बॅडमिंटनला रामराम करण्याचा निर्णय घेतला.

लंडन ऑलिम्पिकमध्ये (वय – 2012) ब्रांझपदक जिंकत इतिहास घडला होता. 2016 च्या रिओ ऑलिम्पिकमध्ये झालेल्या गुडघ्याच्या दुखापतीमुळे सामनाच्या कारकि‍र्दीला ब्रेक लागला होता. त्यानंतर तिने 2017 च्या जागतिक अजिंक्यपद स्पर्धेत ब्रांझ आणि 2018 च्या राष्ट्रकुल क्रीडा स्पर्धेत सुवर्णपदक जिंकले होते. मात्र त्यानंतर दुखापतींनी तिचा पिच्छा पुरवला. गेल्या दोन वर्षांपासून ती कोर्टपासूनही दूर होती. शरीर बॅडमिंटनसारख्या वेगवान खेळाचा ताण सहन करू शकत नाही. गेल्या दोन वर्षांपासून तीव्र गुडघे दुखीने त्रस्त असल्याचे म्हणत सायनाने निवृत्तीमागील कारण स्पष्ट केले.

जागतिक स्तरावर खेळण्यासाठी दिवसातून आठ ते नऊ तास सराव करणे आवश्यक असतो. मात्र गुडघ्याच्या त्रासामुळे तिला तासाभराहून अधिक काळ सराव करणे अशक्य झाले होते. सरावानंतर गुडघ्याला सूज येत असल्याने सायना नेहवाल हिने कारकि‍र्दीला पूर्णविराम लावण्याचा निर्णय घेतला. याबाबत ती म्हणाली की, मी दोन वर्षांपूर्वीच खेळणे थांबवले होते. मी माझ्या अटींवर या खेळात आले आणि माझ्याच अटींवर बाहेरही पडले. त्यामुळे याची औपचारिक घोषणा करण्याची मला गरज वाटली नाही.

भारताची ऑलिम्पिक कांस्यपदक विजेती आणि माजी जागतिक क्रमवारीत 1️⃣ सायना नेहवालने गुडघ्याच्या सततच्या दुखापतीमुळे सर्वोच्च स्तरावर पुढे जाणे कठीण झाल्यानंतर तिच्या स्पर्धात्मक कारकिर्दीला वेळ दिला आहे 🏸#सायनानेहवाल #भारतीय क्रीडा #बॅडमिंटन #Insidesport pic.twitter.com/Fg41SEvcKV

— इनसाइडस्पोर्ट (@InsideSportIND) 20 जानेवारी 2026