IPL 2026: इतिहासाच्या उंबरठ्यावर आरसीबी! आयपीएल 2026 जिंकताच MI-CSK च्या क्लबमध्ये होणार एन्ट्री

आयपीएल 2026 स्पर्धेचा अंतिम सामना 31 मे (रविवार) रोजी रॉयल चॅलेंजर्स बंगळुरू (RCB) आणि गुजरात टायटन्स यांच्यात अहमदाबादच्या नरेंद्र मोदी स्टेडियमवर खेळवला जाणार आहे. रजत पाटीदारच्या नेतृत्वाखालील आरसीबी आपला किताब राखण्याच्या (Title Defense) इराद्याने मैदानात उतरणार आहे. बेंगळुरूने गेल्या हंगामात (2025) पहिल्यांदाच आयपीएलचे विजेतेपद पटकावले होते, तर गुजरात टायटन्सला त्यांचे दुसरे जेतेपद मिळवण्याचे वेध लागले आहेत.

आरसीबीकडे सलग दोनदा आयपीएल ट्रॉफी जिंकून इतिहास रचण्याची मोठी संधी आहे. जर आरसीबीने हा सामना जिंकला, तर चेन्नई सुपर किंग्स आणि मुंबई इंडियन्सपाठोपाठ सलग दोनदा विजेतेपद मिळवणारी ती तिसरी टीम ठरेल.

चेन्नई सुपर किंग्स (CSK): एम.एस. धोनीच्या नेतृत्वाखाली (MS Dhoni) चेन्नईने 2010 आणि 2011 मध्ये सलग दोनदा ट्रॉफी जिंकून हा मान मिळवणारी पहिली टीम बनली होती.

मुंबई इंडियन्स (MI): रोहित शर्माच्या (Rohit Sharma Under captaincy) नेतृत्वाखाली मुंबईने 2019 आणि 2020 मध्ये सलग दोनदा किताब जिंकून या यादीत स्थान मिळवणारी दुसरी टीम बनली होती.

रजत पाटीदार (Rajat Patidar) हा आरसीबीला आयपीएल ट्रॉफी जिंकून देणारा पहिला कर्णधार ठरला आहे. याआधी विराट कोहलीसह अनेक दिग्गज खेळाडूंनी टीमचे नेतृत्व केले, पण त्यांना जेतेपद मिळवता आले नव्हते. आरसीबीने चालू हंगामात अत्यंत दमदार कामगिरी केली आहे. लीग स्टेजमधील 14 पैकी 9 सामन्यांत विजय मिळवून आरसीबीने पॉईंट्स टेबलमध्ये अव्वल स्थान पटकावले होते. त्यानंतर क्वालिफायर-1 मध्ये गुजरात टायटन्सचा पराभव करून त्यांनी अंतिम फेरीत धडक मारली आहे. आता फायनलमध्ये टीम कशी कामगिरी करते, हे पाहणे औत्सुक्याचे ठरेल.