‘भेटीलागीं जीवा लागलीसे आस । पाहे रात्रंदिवस वाट तुझी ||’ श्री संत तुकाराम महाराजांच्या अभंगवाणीप्रमाणे पंढरीच्या सावळ्या विठूरायाला भेटण्यासाठी लाखो वारकरी पंढरपूरच्या दिशेने मार्गस्थ झाले आहेत.
(सर्व फोटो – चंद्रकांत पालकर)
त्यांच्या या प्रवासात विविध माध्यमांतून त्यांची सेवा करण्यासाठी अनेक संस्था, तरुण-तरुणी, शाळकरी मुलं सुद्धा हिरहिरीणे सहभाग घेत आहेत. पुण्यातील मुक्कामात शाळकरी मुलांनी वारकऱ्यांना जेवणं वाढलं.
संसाराच्या भारातून उसंत घेत माताभगिणी ‘माउली… माउली…‘ च्या जयघोष वारीचा आनंद घेत आहेत.
टाळ मृदुंगाच्या तालावर ठेका धरत देहभान विसरून महिला फुगडी खेळण्यात तल्लीन झाल्या आहेत.
या संपूर्ण प्रवासात वारकऱ्यांच्या सेवेसाठी ठिकठिकाणी विश्रांतीची व्यवस्था करण्यात आली आहे.
विविध ठिकाणी वारकऱ्यांसाठी नाष्ट्याची सोय करण्यात आली आहे.
महाविद्यालयीन तरुण-तरुणी वेळात वेळ काढून वारीत सहभागी झाल्या.
श्री संतश्रेष्ठ तुकाराम महाराज आणि संतश्रेष्ठ श्री ज्ञानेश्वर महाराजांच्या पालखीचे दर्शन घेण्यासाठी मोठ्या संख्येने भाविकांनी हजेरी लावली.
विठ्ठलाच्या भेटीला जाण्यासाठी एकमेकांची सेवा करत वारकऱ्यांचा प्रवास सुरू आहे.
Comments are closed.