पाकिस्तान क्रिकेट बोर्ड (PCB) ने शुक्रवारी आपल्या मीडिया मॅनेजरने संयुक्त अरब अमिरात (UAE) विरुद्धच्या आशिया कप सामन्यापूर्वी झालेल्या बैठकीचं व्हिडिओ रेकॉर्डिंग केल्याचं समर्थन केलं. ही बैठक सामना रेफरी अँडी पायकॉफ्ट (Andy Pycroft) आणि संघ अधिकाऱ्यांमध्ये झाली होती. पीसीबीने सांगितलं की हे काम ICCच्या प्रोटोकॉलच्या चौकटीतच होतं.
आंतरराष्ट्रीय क्रिकेट परिषद (ICC) चे मुख्य कार्यकारी अधिकारी संजोग गुप्ता यांनी गुरुवारी पीसीबीला पत्र पाठवलं होतं. यात खेळाडू आणि सामना अधिकाऱ्यांच्या क्षेत्रात (PMOA) झालेल्या अनेक उल्लंघनांचा उल्लेख करण्यात आला होता. यात प्रशिक्षक माईक हेसन, कर्णधार सलमान अली आगा आणि मॅनेजर नवीद अकरम चीमा यांच्यातील चर्चेचं रेकॉर्डिंगही समाविष्ट होतं.
ICC ने पीसीबीच्या त्या प्रेस विज्ञप्तीवरही प्रश्न उपस्थित केले ज्यात म्हटलं होतं की, पायकॉफ्ट यांनी माफी मागितली आहे. पण प्रत्यक्षात रेफरीने फक्त आशियन क्रिकेट कौन्सिल (ACC) च्या स्थळ व्यवस्थापकाकडून झालेल्या गैरसमजाबद्दल खेद व्यक्त केला होता.
रिपोर्टनसुनार, संघाचा मीडिया मॅनेजर हा टीमचाच भाग आहे आणि त्याला (PMOA) खेळाडू आणि सामना अधिकाऱ्यांचा परिसर पर्यंत जाण्याची परवानगी आहे. त्याची उपस्थिती ही नियमभंग नाही.
पीसीबीच्या म्हणण्यानुसार, सध्याच्या प्रोटोकॉलमध्ये मीडिया मॅनेजरना PMOA मध्ये कॅमेरे वापरण्याची परवानगी आहे. सूत्राने पुढे सांगितलं, जर मानक कार्यपद्धतीचं पालन झालं नसतं तर ICC ने सामना रेफरीकडून विचारलं असतं की हा विषय भ्रष्टाचारविरोधी युनिट (ACU) कडे का पाठवला नाही?
पीटीआयने जेव्हा स्पर्धेतील एका सूत्राशी संपर्क साधला तेव्हा त्यांनी सांगितलं की, ICC सामनाधिकारी यांनी हा मुद्दा पाकिस्तानी संघाच्या ACU अधिकाऱ्यांसमोर मांडला होता आणि त्यांनीही ते मान्य केलं होतं. याआधी आयसीसीने पीसीबीला पाठवलेल्या ईमेलमध्ये स्पष्ट केलं होतं, आयसीसीने खेळ, स्पर्धा आणि संबंधित हितसंबंध जपण्यासाठी पीसीबीच्या विनंतीला मान्यता दिली. पण हे PMOA प्रोटोकॉलचा पूर्ण अनादर दर्शवतं.
संपूर्ण प्रकरणाची सुरुवात तेव्हा झाली जेव्हा भारतीय कर्णधार सूर्यकुमार यादवने पाकिस्तानचा कर्णधार सलमान अली आगा याच्याशी हस्तांदोलन केलं नव्हतं. त्यानंतर पीसीबीने आयसीसीकडे तक्रार केली की सामना रेफरीने खेळभावना प्रोटोकॉलचं उल्लंघन केलं आहे. पीसीबीने त्यांना स्पर्धेमधून किंवा पाकिस्तानच्या सामन्यांतून हटवण्याची मागणी केली. मात्र आयसीसीने पीसीबीच्या दाव्याला नकार दिला आणि आपल्या एलीट पॅनेल सामनाधिकारी पायकॉफ्ट यांच्या बाजूने उभं राहिलं. आयसीसीने स्पष्ट केलं की ते फक्त आशियन क्रिकेट कौन्सिल स्थळ व्यवस्थापकाचा संदेश पोहोचवत होते.
Comments are closed.