आशिया कप 2025 (Asia Cup 2025) ची सुरुवात 9 सप्टेंबरपासून होणार आहे आणि भारतीय संघ आपला पहिला सामना 10 सप्टेंबरला खेळेल. भारत गतविजेता चॅम्पियन संघ आहे आणि सूर्यकुमार यादवच्या (Suryakumar Yadav) नेतृत्वाखाली टीम इंडिया चॅम्पियनपद राखण्याचा प्रयत्न करेल. आशिया कप यंदा दुबई आणि अबू धाबीमध्ये होणार आहे, जिथे ओस आणि टॉसची भूमिका खूप महत्वाची ठरते. अनेक वेळा सामने एकतर्फी होतात. यंदा परिस्थिती वेगळी असेल का? दुबई आणि अबू धाबीच्या खेळपट्टी कशा असतील, याबाबत मोठी अपडेट समोर आली आहे.
दुबई स्टेडियमचे माजी हेड पिच क्यूरेटर टोनी हेमिंगने यांनी इंडियन एक्सप्रेसशी बोलताना सांगितले की, या वर्षी खेळपट्टीवर काय फरक दिसेल. त्यांच्या मते, खेळपट्टीवर विकेटकीपरसाठी चेंडू नीट पोहोचला पाहिजे आणि फलंदाजांसाठी चेंडूला चांगली गती मिळाली पाहिजे.
टोनी हेमिंग यांना विचारले गेले की, आशिया कपसाठी विकेट कशा असतील? त्यांनी उत्तर दिले, मागील दोन वर्षांमध्ये दुबई स्टेडियम खूप वापरला गेलं असल्यामुळे घास कमी ठेवण्यात आली. सध्याच्या मैदानावर मागील दोन आठवड्यांपासून थोडी घास आहे. त्यामुळे मला वाटते की खेळपट्टी मागील दोन वर्षांसारखी वागत नाही. विकेटकीपरसाठी चांगला कॅरी आणि फलंदाजासाठी चांगली गती असावी.
त्याचबरोबर, दुबईमध्ये IPL आणि 2021 टी20 वर्ल्ड कप दरम्यान ओस किती महत्त्वाची होती, हे दिसून आले. यंदाही असे होईल का, याबाबत टोनी हेमिंग म्हणाले, सप्टेंबर महिन्यावर लक्ष देऊया. सप्टेंबरमध्ये येथे ह्यूमिडिटी 60 ते 80 टक्क्यांदरम्यान राहते. त्यामुळे रात्री तापमान 38°C पासून 28°C पर्यंत उतरू शकते. वातावरणात बदल आहे, त्यामुळे ओस तयार होते.
टोनी हेमिंग पुढे म्हणाले, ओस टाळण्यासाठी पहिला उपाय म्हणजे सामना खेळण्याच्या दिवशी मैदानावर पाणी टाकू नये. मैदानावर पाणी सामना सुरू होण्यापूर्वी 36 ते 48 तास आधी टाका. दुसरा, सामना सुरु होण्याच्या सकाळी ओस-रिटार्डंट वापरा. त्यानंतर हवामानाच्या बाबतीत आपण फक्त देवाच्या विश्वासावर राहू शकतो. अशा परिस्थितीत ओस टाळण्याचा एकमेव मार्ग म्हणजे मोठे फॅन्स चालवणे आणि खेळपट्टी जितकी होईल तितकी कोरडे करणे. मात्र सामना सुरू झाल्यानंतर फॅन्स वापरण्याची परवानगी नाही.
जेव्हा टोनीला दुबई आणि अबू धाबीच्या पिचमध्ये फरक किती आहे, असे विचारले गेले, तेव्हा त्यांनी सांगितले, दोन्ही मैदानांवर पाकिस्तानी माती वापरली जाते. त्यामुळे फरक फक्त घासात म्हणजे गवतात आहे. मला वाटते की दुबईसाठी यंदा जास्त घास असेल. अबू धाबीमध्येही चांगली घास असेल. फरक फक्त क्यूरेटर आणि त्याच्या तंत्रात आहे, जे दुसऱ्या ग्राउंड्समनच्या तंत्रापेक्षा वेगळे आहे.
Comments are closed.