समस्तीपूर बिहार विधानसभा निवडणुकीसाठी शुक्रवारी भाजपच्या निवडणूक प्रचाराचा शुभारंभ करताना पंतप्रधान नरेंद्र मोदी यांनी जननायक कर्पूरी ठाकूर यांचे जन्मस्थान असलेल्या समस्तीपूर येथून विरोधकांवर जोरदार हल्ला चढवला. काँग्रेस आणि आरजेडी भ्रष्टाचारात गुंतल्याचे वर्णन करून ते म्हणाले, “भाजप कर्पूरी ठाकूर यांच्या प्रेरणेने सुशासनाचे समृद्धीमध्ये रूपांतर करत आहे, तर विरोधक घोटाळ्यांमध्ये बुडलेले आहेत.”
काँग्रेस नेते राहुल गांधी आणि इतर विरोधी नेत्यांवर अप्रत्यक्ष निशाणा साधत पंतप्रधान म्हणाले, “हजारो कोटी रुपयांच्या घोटाळ्यात अडकलेले लोक आज जामिनावर आहेत. जे जामिनावर आहेत, ते चोरीच्या गुन्ह्यात जामिनावर आहेत.”
मोदी म्हणाले, “या लोकांची चोरीची सवय एवढी वाढली आहे की, आता ते 'जननायक' ही पदवीही चोरण्याचा प्रयत्न करत आहेत. बिहारची जनता जननायक कर्पूरी ठाकूर यांचा अपमान कधीच सहन करणार नाही.”
ते म्हणाले की, कर्पूरी ठाकूर यांच्यासारख्या नेत्याने गरीब, मागासलेल्या, वंचितांना पुढे जाण्याची संधी दिली. “भाजप सरकार तीच विचारधारा पुढे नेत आहे ज्यामध्ये प्रत्येक गरीबाला त्याचे हक्क आणि सन्मान मिळाला पाहिजे.”
समस्तीपूर येथील पंतप्रधान मोदींचे हे भाषण बिहार निवडणूक प्रचाराची औपचारिक सुरुवात मानली जात आहे. यावेळी 'सुशासन विरुद्ध भ्रष्टाचार' या मुद्द्यावर निवडणूक लढवली जाईल, असा स्पष्ट संदेश त्यांनी मंचावरून दिला.
Comments are closed.