सध्या एका जाहिरातीवरून राजकीय वर्तुळात जोरदार चर्चा सुरू आहे. राष्ट्रवादी शरद पवार पक्षाचे नेते रोहित पवार यांनी मंत्री बावनकुळे यांच्यावर गंभीर आरोप केले आहेत. मेघा इंजिनिअरिंग या कंपनीला फायदा मिळवून देण्यासाठी फडणवीसांची जाहिरात देण्यात आली का, असा सवाल रोहित पवारांनी उपस्थित केला आहे. या जाहिरातींवर शंभर ते दोनशे कोटी रुपये खर्च झाल्याचा आरोप त्यांनी केला. तसेच, बावनकुळे साहेबांनी मेघा इंजिनिअरिंग कंपनीला नव्वद कोटींचा डिस्काउंट दिल्याचा मुद्दाही त्यांनी मांडला. यावर बावनकुळे यांनी रोहित पवारांना ‘आरोप सिद्ध करावा किंवा राजकीय संन्यास घ्यावा’ असे आव्हान दिले आहे. रोहित पवारांचे आरोप प्रसिद्धीसाठी असून ते अपरिपक्वतेचे लक्षण असल्याचे बावनकुळे म्हणाले. दरम्यान, चर्चेत असलेल्या मेघा इंजिनिअरिंग कंपनीची ओळख करून देण्यात आली. ही चाळीस हजार कोटींचा व्यवहार करणारी कंपनी असून, सुरुवातीला दहा कर्मचारी होते, आता दोन लाखांहून अधिक कर्मचारी आहेत. इलेक्ट्रिक वाहनं बनवणारी ही प्रमुख कंपनी आहे. तेलंगणातील कालेश्वरम आणि हिमालयातील जोजिला बोगदा प्रकल्पात तिचा सहभाग आहे. अनेक राजकीय पक्षांना निवडणूक रोख्यांच्या माध्यमातून देणग्या देणारी ही सर्वात मोठी कंपनी आहे. ऑक्टोबर दोनहजार एकोणीसमध्ये आयकर विभागाने झाडी टाकली होती, तर ईडीकडूनही चौकशी झाली होती. जुलै दोनहजार पंचवीसमध्ये कंपनीला चौऱ्याण्णव पूर्णांक अडुसष्ट कोटी रुपयांचा दंड झाला होता. जालन्यातील रस्ते निर्मितीवेळी अवैध खोदकाम केल्याचा आरोपही तिच्यावर आहे.
Comments are closed.