कृषिमंत्री माणिकराव कोकाटे सभागृहात ऑनलाईन Rummy खेळल्याच्या व्हिडिओमुळे वादात सापडले आहेत. त्यांच्या मंत्रिपदावर गदा येणार का, अजित पवार कोकाटेंचा राजीनामा घेणार की खुर्ची शाबूत ठेवणार याकडे लक्ष आहे. राष्ट्रवादीचे प्रदेशाध्यक्ष सुनील तटकरे यांनी कोकाटेंवर कारवाईचे संकेत दिले. शेतकरी संकटात असताना कृषिमंत्र्यांचे वर्तन अयोग्य असल्याचे तटकरेंनी म्हटले. मुख्यमंत्री देवेंद्र फडणवीस यांनीही कोकाटेंच्या सभागृहातील वर्तनावर नाराजी व्यक्त केली; Rummy खेळतानाचा व्हिडिओ योग्य नाही, असे त्यांचे मत आहे. कोकाटेंनी तो केवळ एक पॉप-अप होता असे स्पष्टीकरण दिले असले तरी ते भूषणावह नाही. शरद पवार, शशिकांत शिंदे आणि नाना पटोले यांनीही माणिकराव कोकाटे यांच्या राजीनाम्याची मागणी केली आहे. “शेतकऱ्यांच्या जखमेवर मीठ चढवू नका,” असा सल्ला सरकारला देण्यात आला. पदाला गांभीर्य नसल्याने राजीनामा गरजेचा असल्याचे विरोधकांचे म्हणणे आहे. आज सकाळी होणाऱ्या पत्रकार परिषदेत कोकाटे काय भूमिका मांडणार याकडे लक्ष.
Comments are closed.