भारतीय जनता पक्षाचे आमदार संजय केनेकर यांनी एक महत्त्वाचा दावा केला आहे. त्यांच्या मते, मनोज जरांगे हे शरद पवारांचे ‘सुसाइड बॉम्बर’ आहेत. मुंबईमध्ये मराठा आरक्षणासाठी मराठा समाज आक्रमक झाला असून, जरांगे यांचे उपोषण सुरू आहे. या पार्श्वभूमीवर संजय केनेकर यांच्या या विधानामुळे राजकीय वर्तुळात चर्चांना उधाण आले आहे. जरांगे यांना पवारांचा ‘सुसाइड बॉम्ब’ म्हणून पाहिले जात आहे. केनेकर यांनी म्हटले आहे की, “मनोज जरांगे हा शरद पवारांचा सुसाइड बॉम्बर आहे.” हा ‘सुसाइड बॉम्ब’ शरद पवार यांनी देवेंद्र फडणवीस यांच्यावर व्यक्तिगत द्वेषापोटी सोडला आहे, परंतु याचे परिणाम ‘बुमरँग’ होऊन समाजाचे मोठे नुकसान होईल. शरद पवार समाजाचे नुकसान करत आहेत आणि हा ‘सुसाइड बॉम्ब’ शेवटी समाजाला घेऊन खऱ्या अर्थाने नुकसान पोहोचवेल, असेही केनेकर यांनी नमूद केले. यामुळे महाराष्ट्राला निश्चितपणे याचे गंभीर परिणाम भोगावे लागतील, असे त्यांचे म्हणणे आहे. शरद पवार आपली भूमिका स्पष्ट न करता जरांगेसारखे ‘सुसाइड बॉम्ब’ वापरतात, हे दुर्दैव आहे, असेही त्यांनी म्हटले.
Comments are closed.