Manikrao Kokate Nashik | नाशिकमध्ये कृषिमंत्र्यांवर पत्ते फेकण्याचा प्रयत्न, कार्यकर्ते ताब्यात

नाशिकमध्ये कृषिमंत्री माणिकराव कोकाटे यांच्यावर पत्ते फेकण्याचा प्रयत्न करण्यात आला. ठाकरे गटाच्या शिवसैनिकांनी हा प्रयत्न केला. कृषिमंत्री अजित पवार यांच्या वाढदिवसानिमित्त नाशिक दौऱ्यावर असताना ही घटना घडली. निवेदन देण्यासाठी आलेल्या ठाकरे गटाच्या पदाधिकाऱ्यांनी शेतकऱ्यांचे प्रश्न मांडण्यासाठी आणि कोकाटे यांच्या राजीनाम्याची मागणी करण्यासाठी त्यांना रम्मीचे कॅट भेट देण्याचा प्रयत्न केला. अनेक शेतकरी आत्महत्या करत असल्याने कोकाटे सक्षम नसल्याचा आरोप आंदोलकांनी केला. पोलिसांनी पत्ते फेकण्याचा प्रयत्न करणाऱ्या काही पदाधिकाऱ्यांना ताब्यात घेतले. या घटनेनंतर कोकाटे यांच्याविरोधात घोषणाबाजीही करण्यात आली. दुसरीकडे, राष्ट्रवादी काँग्रेसच्या अजित पवार गटाचे पदाधिकारी कोकाटे यांच्या समर्थनासाठी जमले होते. त्यांनी हा पूर्वनियोजित कट असल्याचा आरोप केला. प्रशासनाच्या मदतीने राष्ट्रवादी काँग्रेस पक्षाला बदनाम करण्याचा प्रयत्न होत असल्याचे त्यांचे म्हणणे होते. ‘आजचा दिवस आमचा वाढदिवस आहे त्या दिवशी मला बदनाम करण्याचे कारस्थान आज काही लोकांनी केलंय,’ असे एका समर्थकाने म्हटले. कोकाटे यांनी कृषी खात्याचे काम पूर्ण जिल्हाभर आणि राज्यभर केले असल्याचा दावा त्यांच्या समर्थकांनी केला.