संजय राऊत यांनी तत्कालीन निवडणूक आयुक्त राजीव कुमार यांच्या ठिकाणाबाबत प्रश्न उपस्थित केला आहे. उपराष्ट्रपती जगदीप धनखड यांच्याबाबत प्रश्न विचारल्यानंतर राऊत यांनी आता राजीव कुमार यांच्यावर लक्ष केंद्रित केले आहे. राजीव कुमार यांनी ‘गद्दारांना’ शिवसेना हे नाव आणि ‘धनुष्यबाण’ हे चिन्ह दिले होते, असा राऊत यांचा दावा आहे. राहुल गांधी यांनी निवडणूक आयोगावर हल्ले सुरू केल्यापासून राजीव कुमार यांनी उत्तर द्यायला हवे होते, असे राऊत म्हणाले. घटनेविरुद्ध जाऊन हे चिन्ह देण्यात आले आणि यात किती कोटींचा व्यवहार झाला, हे आम्ही सांगितले आहे, असेही राऊत यांनी नमूद केले. "दोन हजार चोवीस साली जे निवडणूक आयुक्त होते आणि ज्यांच्या सहकार्यानं नरेंद्र मोदी आणि त्यांचे लोक निवडणुका जिंकू शकले, ते निवडणूक आयुक्त राजीव कुमार कुठे आहेत हा आमचा प्रश्न आहे," असे राऊत यांनी म्हटले. "जगदीप धनखड बेपत्ता झाले आहेत तसे तत्कालीन निवडणूक आयुक्त राजीव कुमार कुठे आहेत हा माझा प्रश्न आहे, ते कुठे गेले?" असा थेट सवाल राऊत यांनी विचारला आहे.
Comments are closed.