Pratap Sarnaik Vs Thackeray : प्रताप सरनाईकांचं शिंदेंना भावनिक पत्र, ‘बडव्यांच्या कडेवर’ राज ठाकरे? Special Report

शिवसेनेचे मंत्री प्रताप सरनाईक यांनी उपमुख्यमंत्री एकनाथ शिंदे यांना एक भावनिक पत्र लिहिले आहे. राज आणि उद्धव ठाकरे यांच्या मुंबईतील वरळी डोम येथील मेळाव्यानंतर सरनाईकांनी हे पत्र लिहिले. तब्बल दोन दशकांनंतर ठाकरे बंधू एकत्र आले होते. या मेळाव्यात उद्धव ठाकरे यांनी एकनाथ शिंदे यांच्यावर टीका केली होती. या टीकेला उत्तर देताना प्रताप सरनाईक यांनी ठाकरे बंधूंच्या राजकारणावर प्रश्नचिन्ह उपस्थित केले आहे. सरनाईक यांनी आपल्या पत्रात ठाकरे बंधूंचे राजकारण स्वार्थी असल्याचे म्हटले आहे. आगामी मुंबई महापालिका निवडणुकांच्या पार्श्वभूमीवर भाषेचे राजकारण केले जात असल्याचा आरोप त्यांनी केला. ठाकरे यांच्या शिवसेना आणि मनसेनेच मराठीचे सर्वाधिक नुकसान केल्याचे सरनाईक यांनी म्हटले आहे. सरनाईकांनी आपल्या तीन पानी पत्रातून अनेक प्रश्न विचारले आहेत. “मराठीसाठी एकत्र आलो असं ठाकरे म्हणाले पण बेगळेच का झाले होते?” असा टोला त्यांनी लगावला. “राज ठाकरे बडव्यांच्या नावानं छाती पडवून शिवसेनेतून बाहेर पडले होते. मग आता त्याच बडव्यांच्या कडेवर ते बसल्याचा घणाघात सरनाईकांनी केला.” असेही त्यांनी पत्रात नमूद केले आहे. २००६ साली राज ठाकरे शिवसेनेतून बाहेर पडले होते, पण त्यांच्या मनसेला अपेक्षित यश मिळाले नाही, असे सरनाईकांनी म्हटले आहे. मराठी माणसासाठी या दोघांनी काय केले, मुंबईतून मराठी माणूस बाहेर पडताना त्यांनी डोळे बंद केले होते का, असे प्रश्नही सरनाईकांनी विचारले आहेत. सरनाईकांनी एकनाथ शिंदे यांच्या कार्याची आठवण करून दिली आहे. बाळासाहेब ठाकरे यांचे विचार आणि कार्य शिंदे पुढे नेत असल्याचे त्यांनी म्हटले आहे. शिंदे यांच्या नेतृत्वामुळे लाखो लोक त्यांच्यासोबत जोडले जात असल्याचे सरनाईकांनी पत्रात नमूद केले आहे. ठाकरे बंधूंचे एकत्र येणे हे आगामी महापालिका निवडणुका पाहून असल्याचे सरनाईकांनी म्हटले आहे. जनता विकासाच्या राजकारणाला साथ देईल असा विश्वास त्यांनी व्यक्त केला. हे पत्र एकनाथ शिंदे यांना पाठिंबा देण्यासाठी लिहिले असल्याचे दिसून येते.