पदार्पणाच्या सामन्यातच गोलंदाजी ॲक्शनवर प्रश्नचिन्ह, ICC ने 'या' खेळाडूला दिली 14 दिवसांची मुदत

प्रेनेलन सुब्रेन बॉलिंग Action क्शन: दक्षिण आफ्रिकेचा संघ सध्या ऑस्ट्रेलियाच्या दौऱ्यावर आहे. 3 सामन्यांच्या टी20 मालिकेत त्यांना 2-1 ने पराभवाचा सामना करावा लागला. आता 19 ऑगस्टपासून सुरू झालेल्या 3 सामन्यांच्या वनडे मालिकेची सुरुवात मात्र आफ्रिकेच्या संघाने दमदार केली. पहिल्या सामन्यात त्यांनी 98 धावांनी विजय मिळवला. केर्न्सच्या मैदानावर खेळल्या गेलेल्या मालिकेतील पहिल्या सामन्यात दक्षिण आफ्रिकेच्या संघाकडून ऑफ-स्पिन गोलंदाज प्रेनेलन सुब्रायनला पदार्पण करण्याची संधी मिळाली. परंतु, तो त्याच्या पहिल्या सामन्यांनंतर गोलंदाजीच्या ॲक्शनमुळे वादात सापडला आहे. (Prenelan Subrayen ODI debut)

वनडे पदार्पणाच्या सामन्यात प्रेनेलन सुब्रायनने 10 षटकांच्या गोलंदाजीत 46 धावा देत 1 विकेट्स घेतली. मात्र, या सामन्यांनंतर त्याच्या गोलंदाजीच्या ॲक्शनबद्दल आयसीसीकडे तक्रार दाखल करण्यात आली आहे. मॅच अधिकाऱ्यांच्या अहवालात त्याच्या गोलंदाजीच्या ॲक्शनच्या वैधतेबद्दल चिंता व्यक्त करण्यात आली आहे.

आता प्रेनेलन सुब्रायनला आयसीसीने मान्यता दिलेल्या टेस्ट फॅसिलिटीमध्ये आपल्या गोलंदाजीची तपासणी करून घ्यावी लागेल. सुब्रायनने जुलै महिन्यात झिम्बाब्वेविरुद्ध बुलवायो येथे कसोटी क्रिकेटमध्येही पदार्पण केले होते. त्याला आता आयसीसीने मान्यता दिलेल्या कोणत्याही टेस्टिंग सेंटरमध्ये आपल्या गोलंदाजीची तपासणी करण्यासाठी 14 दिवसांचा अवधी दिला आहे.

आयसीसीने प्रेनेलन सुब्रायनबद्दल दिलेल्या माहितीनुसार, त्याच्या गोलंदाजीच्या ॲक्शनची टेस्टिंग सेंटरमध्ये तपासणी केली जाईल. मात्र, त्याचा निकाल येईपर्यंत तो 14 दिवसात गोलंदाजी करू शकतो. त्यामुळे, प्रेनेलन सुब्रायन ऑस्ट्रेलियाविरुद्धच्या वनडे मालिकेतील उर्वरित 2 सामन्यांमध्येही गोलंदाजी करू शकतो. (ICC bowling action report)

ही पहिली वेळ नाही, जेव्हा सुब्रायनला आपल्या गोलंदाजीच्या ॲक्शनबद्दल तपासणीला सामोरे जावे लागले आहे. डिसेंबर 2012 मध्ये, क्रिकेट दक्षिण आफ्रिकेने 2 वेगवेगळ्या स्वतंत्र टेस्टमध्ये त्याच्या गोलंदाजीची ॲक्शन अवैध आढळल्यानंतर त्यात सुधारणा करण्यासाठी त्याला वेळ दिला होता. त्यानंतर, जानेवारी 2013 मध्ये सुब्रायनला पुन्हा गोलंदाजी करण्याची परवानगी देण्यात आली होती.