आयुष कोमकर क्लावरुन परत येताच गोळ्या झाडल्या, सहा पथकं रवाना, पुणे पोलिसांनी काय काय सांगितलं

गुन्हेगारीची बातमी ठेवा: गणेश विसर्जनच्या पूर्वसंध्येला पुण्यात धक्कादायक घटना घडली आहे. पुण्यातील नाना पेठेत आयुष (गोविंदा) गणेश कोमकर  (Govinda Komkar) याच्यावर गोळीबार करत त्याची हत्या करण्यात आली आहे. याबाबत सविस्तर माहिती पुणे गुन्हे शाखा उपायुक्त निखिल पिंगळे यांनी दिली आहे. रात्री पावणेआठच्या सुमाराला आयुष कोमकर या युवकाची क्लासमधून परत आल्यावर अज्ञातांनी त्याच्यावर गोळ्या झाडत हत्या केल्याची माहिती गुन्हे शाखा उपायुक्त निखिल पिंगळे यांनी दिली आहे.

आरोपीच्या शोधासाठी पोलिसांच्या सहा टीम रवाना

आयुष कोमकरवर गोळ्या झाडल्यानंतर त्याला ससून रुग्णालयात नेण्यात आलं. जिथे त्याला डॉक्टरांनी मृत घोषित केलं. गणेश कोमकर हे वनराज आंदेकर हत्या प्रकरणातील आरोपी आहेत. आयुष कोमकर हा वनराज आंदेकरचा भाचा असल्याची माहिती पोलिसांनी दिली आहे. दरम्यान, या प्रकरणी  आरोपीच्या शोधासाठी पोलिसांच्या सहा टीम रवाना करण्यात आल्या आहेत. काही लीड्स मिळाले असल्याची माहिती देखील पोलिसांनी दिली आहे.

आरोपी आधीपासून बेसमेंटमधे होते का? प्लॅन करुन हत्या केली का? याचा तपास सुरु

आयुष कोमकरच्या परिवाराशी संपर्क साधून गुन्हा दाखल कऱण्याची प्रक्रिया सुरु करण्यात आली आहे. काही दिवसांपुर्वी दाखल गुन्ह्याचा याच्याशी काही संबंध आहे का? याचा तपास सुरु आहे. त्यामुळं त्याबद्दल आता सांगता येणार नाही. आयुषच्या घराच्या पार्किंगमधे, बेसमेंटमधे अज्ञातांनी त्याच्यावर गोळ्या झाडल्याची माहिती पोलिसांनी दिली आहे. आयुषचा वनराज आंदेकर हत्या प्रकऱणात काही इन्वॉल्वमेंट आहे का? याची प्राथमिक माहिती नाही, आणखी तपास सुरु आहे. हे सगळं करत असताना शहरात कायदा सुव्यवस्थेची परिस्थिती सुरळीत करणं ही आमची प्रायॉरिटी असल्याची माहिती पोलिसांनी दिली आहे. काही सीसीटीव्ही फुटेज मिळाले आहेत. त्याचा तपास सुरू आहे. आरोपी आधीपासून बेसमेंटमधे होते का? प्लॅन करुन हत्या केली का? याचा तपास देखील सुरु करण्यात आल्याची माहिती पोलिसांनी दिली आहे.

भाचा मामा आई वडील सगळी नाती जरी असली तरी गुन्हा हा गुन्हा असतो असे पोलीस म्हणाले. गणेश विसर्जनाच्या वेळी पोलीस त्यांचे काम चोख पार पाडतील. आज झालेला गुन्हा कोणत्याही चौकटीत माफ करण्यासारखा गुन्हा नाही. आम्ही आमचं काम पार पाडणार असल्याची माहिती पोलिसांनी दिली आहे.

https://www.youtube.com/watch?v=2nf6xdz-iky

महत्वाच्या बातम्या:

Pune Crime : वनराज आंदेकरच्या हत्येचा बदला, गोविंदा कोमकरचा तीन गोळ्या झाडत खून, गँगवॉरमध्ये मामाच्या हत्येचा बदला भाच्याच्या हत्येनं, पुणे हादरलं

आणखी वाचा