मास्क लावून तीन जण आले, मयांकच्या डोक्यात अन् तोंडावर वार केले; पुण्यातील थराराची इनसाईट स्टोरी

गुन्हे बातम्या ठेवा: गेल्या काही दिवसापासून पुण्यात गुन्हेगारीच्या घटनांमध्ये वाढ होत असल्याचं चित्र दिसत आहे. आजही पुण्यात एक धक्कादायक घटना घडली आहे. भरदिवसा तीन जणांनी मिळून एका तरुणाचा खून केल्याची घटना घडली आहे. मयंक खराडे (17 वर्ष) असं हत्या झालेल्या तरुणाच नाव आहे. पुण्यातील बाजीराव रोडवर ही घटना घडलीय. मागील तीन दिवसात पुण्यात हा दुसरा खून झाला आहे. दरम्यान, या  खून प्रकरणातील आरोपींची नाव निष्पन्न झाली आहेत.

पुण्यात नव्याने उदयास येणाऱ्या माया टोळीचे हे कृत्य

बाजीराव रोड खून प्रकरण पूर्व वैमान्यासातूनच घडल्याचं समोर आलं आहे. या  खून प्रकरणातील आरोपींची नाव निष्पन्न झाली आहेत. पुण्यातील नव्याने उदयास येणाऱ्या माया टोळीचे हे कृत्य असल्याचं बोललं जात आहे. अभिजीत पाटील उर्फ माया, अमन उस्मान शिवलकर आणि अक्षय मारुती पाटोळे अशी या आरोपींची नावे आहेत. धारदार शस्त्रांचा वापर करत या तिघांनी मयंक खराडेचा खून केल्याची माहिती मिळाली आहे. आरोपींनी मयंक खराडेचे कोयत्याने केस छाटले आहेत. तसेच बोटही कापले आहे. कापलेल बोट रात्यावर पडल्याचं पाहायला मिळालं.

मास्क घालून तीन तरुण आले आणि…

मिळालेल्या माहितीनुसार आज दुपारी 3 वाजून 15 मिनीटांच्या सुमारास ही घटना घडली आहे. अभिजीत इंगळे व त्याचा मित्र मयंक खरारे हे दुचाकीवरु जात असताना महाराणा प्रताप उद्यानाच्या जवळ दखनी मिसळच्या समोर अचानक जनता वसाहत मधील तीन तरुणांनी ज्यांनी मास्क लावला होता हे पाठीमागून आले. या तरुणांनी मयंक खराडे याच्या डोक्यात व तोंडावर शस्त्राने वार केले. त्यामध्ये मयंक खराडे या तरुणाचा जागीच मृत्यू झाला आहे.

महत्वाच्या बातम्या:

पुणे हादरलं, शहराच्या मध्यवर्ती भागात दिवसाढवळ्या 17 वर्षीय युवकाचा खून; 3 दिवसात दुसरी घटना

आणखी वाचा