वंदे भारतनंतर सोलापुरात आता मुंबई-चेन्नई एक्सप्रेसवर दगडफेक करण्यात आली आहे. पारेवाडी आणि वाशिंबे दरम्यान ही घटना घडली असून गेल्या 10 दिवसातील दुसरी घटना आहे. यात अपंग डब्यातील एका प्रवाशाला किरकोळ दुखापत झाली. त्याच्यावर त्वरीत उपचार करण्यात आले. अन्य जखमी झाल्याची माहिती नाही.
दगडफेकीमुळे ट्रेनच्या खिडक्या तुटल्या. घटनेचा व्हिडिओ समोर आला आहे. व्हिडिओमध्ये खिडक्यांच्या काचेचे तुकडे झाल्याचे दिसत आहे. या प्रकरणी सोलापूर रेल्वे पोलिसांनी अज्ञात लोकांविरुद्ध गुन्हा दाखल करत तपास सुरू केला आहे. गेल्या 10 दिवसांत दुसऱ्यांदा अशा प्रकारची घटना घडल्याने प्रवाशांमध्ये भीतीचे वातावरण निर्माण झाले आहे.
याआधी वंदे भारत एक्सप्रेसवर दगडफेक करण्यात आली होती. ट्रेनच्या सी-11 कोचला लक्ष्य करण्यात आले होते. वंदे भारत नंतर हल्लेखोरांनी मुंबई-चेन्नई एक्सप्रेसला लक्ष्य करत दगडफेक केली.
Comments are closed.