परिस्थिती अधिकच भीतीदायक होत चाललीय; ऑलिम्पिक पदक विजेती पी.व्ही. सिंधू दुबई विमानतळावर अडकली, भयानक अनुभव केला शेअर

इस्रायल-अमेरिकेने केलेल्या हल्ल्यांना इराणकडूनही जोरदार प्रत्युत्तर मिळत आहे. इराणने आखाती देशातील अमेरिकेच्या आठ तळांना लक्ष्य केले. सौदी अरब, कतार, कुवेत, बहरीन, अबुधाबी, दुबई, इराक आणि जॉर्डन येथे इराणने हवाई हल्ले केले. कतारचा अल उदैद हवाई तळ, कुवेतमधील अल सालेम हवाई तळ, यूएईचा अल धाफरा आणि बहरीनमधील यूएस फिफ्थ फ्लीट तळ इराणने उडवला. या युद्धामुळे जगभरात खळबळ उडाली असून वेगवेगळ्या विमानतळावर हजारो लोक अडकले आहेत. याचा फटका क्रीडा क्षेत्रालाही बसला असून हिंदुस्थानची स्टार बॅटमिंटन खेळाडू पी.व्ही. सिंधूही दुबई विमानतळावर अडकली आहे. परिस्थिती अधिकच भीतीदायक होत चालल्याचे म्हणत तिने भयानक अनुभव शेअर केला आहे.

अग्निपरीक्षा उलगडत चालली आहे आणि तासागणिक परिस्थिती अधिक भयावह होत आहे.

काही तासांपूर्वी, विमानतळावर आम्ही जिथे थांबलो होतो तिथे जवळच एक स्फोट झाला होता. माझ्या कोचला धूर आणि ढिगाऱ्याच्या सर्वात जवळ असल्याने त्याला त्वरीत भागातून बाहेर पडावे लागले. तो होता एक… https://t.co/ZdNtuALk0P

— Pvsindhu (@Pvsindhu1) 1 मार्च 2026