अश्विनचा संताप! टीम इंडियाच्या चुकीच्या रणनीतीवर ठेवलं थेट बोट, गिल-गंभीरवर थेट सवाल, ड्रेसिंग

आर अश्विनने गौतम गंभीर आणि शुबमन गिल यांना मारहाण केली: ओव्हलमध्ये सुरू असलेल्या अँडरसन-तेंडुलकर ट्रॉफीतील निर्णायक पाचव्या कसोटी सामन्याचा शेवटचा दिवस चांगलाच रंगतदार ठरत आहे. इंग्लंडला विजयासाठी केवळ 35 धावांची गरज आहे, तर भारताला विजयासाठी फक्त 4 विकेट्स हवे आहेत. हॅरी ब्रूक आणि जो रूट यांच्या जबरदस्त शतकी भागीदारीने इंग्लंडचा विजयाचा मार्ग सुकर केला आहे. 374 धावांच्या लक्ष्याचा पाठलाग करताना सामना कधी भारताच्या बाजूने झुकला, तर कधी इंग्लंडवर वर्चस्व दिसून आले. चौथ्या दिवसाचं चित्रही असंच चढ-उताराचं होतं.

भारताने शेवटच्या सत्रात जोरदार पुनरागमन केलं, पण तोपर्यंत ब्रूक आणि रूट आपलं काम पूर्ण करून गेले होते. माजी फिरकीपटू रविचंद्रन अश्विन भारतीय संघाच्या रणनीतीवर नाराजी व्यक्त करत आहेत. त्याने स्पष्टपणे सांगितलं की या सामन्यात भारताची खेळ समज आणि रणनीती कमकुवत ठरली. ब्रूक आणि रूट यांच्यात झालेल्या 195 धावांच्या भागीदारीदरम्यान भारताची खेळातील रणनीती अश्विनच्या मते समाधानकारक नव्हती. त्याच्या म्हणण्यानुसार, धावांचा वेग रोखण्यासाठी वॉशिंग्टन सुंदरला लवकरच आक्रमणात आणायला हवं होतं.

एका यूट्यूब कार्यक्रमात बोलताना अश्विन म्हणाला की, “स्पिनर्सचा वापर न केल्याबाबत सांगायचं झालं, तर मला या मालिकेत पुन्हा पुन्हा असं जाणवलं की आपली ‘गेम अवेअरनेस’ कमी आहे. मैदानात आणि बाहेरसुद्धा, आपली रणनीती इतकी धारदार नव्हती. त्यामुळेच इंग्लंड या मालिकेत आघाडीवर आहे आणि आपण मागे आहोत. आपण या मालिकेत सर्वात झपाट्याने निर्णय घेणारी किंवा हुशार टीम नव्हतो.”

तो पुढे म्हणाला, “शुभमन गिल कर्णधार म्हणून वेळ जसा जाईल तसतसे नक्कीच सुधारतील. पण अनेकदा जेव्हा तुम्हाला वाटतं की समोरचा संघ फिरकी चांगली खेळतो, तेव्हा आपण फिरकी आक्रमण लांबवत जातो. आणि असं करता करता जेव्हा योग्य वेळ निघून जातो, तेव्हा स्पिनर हा फक्त बचावात्मक पर्याय ठरतो.”

सुंदरबाबत बोलताना अश्विन म्हणाला की, “हॅरी ब्रूक जेव्हा फटकेबाजीला सुरुवात करत होता, तेव्हा तो केवळ 20 धावांवर होता. त्यावेळीच फिरकी गोलंदाजाला आणायला हवं होतं, ज्यामुळे धावांचा वेग काहीसा कमी करता आला असता. दुसऱ्या टोकाने एखादा वेगवान गोलंदाज मारा करत राहिला असता. अशा परिस्थितीत सुंदरला आधीच माऱ्यावर आणणं अधिक फायदेशीर ठरलं असतं.”

शेवटी अश्विन म्हणाला की, “या प्रकारच्या चुकांमुळे मोठा फरक पडतो. मैदानात बाहेरून काही संदेश जात आहे का, याची कल्पना नाही. ड्रेसिंग रूममध्ये काय चर्चा चालू आहे, हेही माहीत नाही. पण आजच्या आधुनिक क्रिकेटमध्ये अशा चुका सहज टाळता येऊ शकतात.”

हे ही वाचा –

Video : टीम इंडियासाठी जीवाचं रान करुन खेळला, इंजेक्शन घेऊन उतरला मैदानात, शुभमन गिलचं स्टम्प माईकमधील संभाषण व्हायरल

आणखी वाचा