Video: सरकार म्हणाले, पेलेट गनचा वापर केला नाही; राहुल गांधींनी गंभीर जखमी साहील समोर आणला

राहुल गांधी: धर्मेंद्र प्रधान क्रिमिनल शिक्षणमंत्री आहेत. त्यांना पदावरून हटवलेच पाहिजे. ते आपल्या शिक्षण व्यवस्थेच्या ऱ्हासाचे प्रतीक आहेत. त्यांना जावेच लागेल. त्यांच्यामुळे हजारो लोक बेरोजगार झाले आहेत, असा सडकून प्रहाल लोकसभेतील विरोधी पक्षनेते राहुल गांधी यांनी केला. राहुल यांनी पेलेट गनमुळे जखमी झालेल्या विद्यार्थ्यांची भेट घेतली. ते एका जखमी विद्यार्थ्यासोबत माध्यमांसमोर आले. त्यांनी विद्यार्थ्याच्या हातावरील जखम दाखवली.

तिरंगा घेऊन आंदोलन करत असताना पेलेट गनमुळे जखमी

राहुल म्हणाले, “मला तुम्हाला सांगायचे आहे की, येथे उभा असलेला माझा भाऊ तिरंगा घेऊन शांततेने आंदोलन करत असताना पेलेट गनमुळे जखमी झाला. सरकारचे म्हणणे आहे की पेलेट गन वापरल्या गेल्या नाहीत. त्याच्या डोळ्याला इजा झाली आहे आणि त्याने आपली दृष्टी गमावली आहे.” राहुल यांनी ज्या विद्यार्थ्याची जखम दाखवली, तो साहिल लोचाब आहे. तो 19 वर्षांचा असून दिल्ली विद्यापीठात शिकतो. 20 जुलै रोजी जंतर मंतर येथील आंदोलनादरम्यान पोलिसांच्या पेलेट गनमुळे त्याने आपल्या उजव्या डोळ्याची दृष्टी गमावली.

#पाहा | एलओपी, लोकसभा, राहुल गांधी मीडियासमोर एका व्यक्तीला आणतात ज्याचा दावा आहे की विद्यार्थ्यांच्या निषेधादरम्यान पेलेट गनच्या जखमा झाल्या आहेत.

तो म्हणतो, “मला समजावून सांगायचे आहे की येथे उभा असलेला माझा भाऊ तिरंगा हातात घेऊन शांततेने निषेध करत असताना पेलेट गनने जखमी झाला होता. pic.twitter.com/TCQJ4OZJcu

— ANI (@ANI) 24 जुलै 2026

साहिलची दृष्टी परत येण्याची शक्यता केवळ 1 टक्के

दक्षिण-पश्चिम दिल्लीतील नजफगडचा रहिवासी असलेल्या साहिल लोचाबच्या डोळ्यात आंदोलनादरम्यान छर्रा लागल्याने, एम्समधील जयप्रकाश नारायण एपेक्स ट्रॉमा सेंटरमध्ये त्याच्यावर शस्त्रक्रिया करण्यात आली. कुटुंबीयांच्या म्हणण्यानुसार, डॉक्टरांनी सांगितले आहे की त्याच्या जखमी डोळ्याची दृष्टी परत येण्याची शक्यता फक्त 1 टक्के आहे, कारण बाहुलीला गंभीर इजा झाली आहे. साहिल दिल्ली विद्यापीठाच्या स्कूल ऑफ ओपन लर्निंग (SOL) चा विद्यार्थी आहे. त्याची आई ज्योती म्हणाल्या, “तो यापूर्वीही सीजेपीच्या आंदोलनात सहभागी झाला होता. हे त्याच्यासाठी महत्त्वाचे आहे आणि त्याचा अभ्यासाशी संबंध आहे, असे सांगून तो सोमवारीही गेला होता. त्याला नेहमीच पोलीस अधिकारी व्हायचे होते.”

प्रधान राजीनामा देईपर्यंत कोणतीही चर्चा होणार नाही

राहुल गांधी म्हणाले, “प्रधान यांना हटवेपर्यंत आम्ही कोणतीही चर्चा किंवा बोलणे करणार नाही.” रिजिजू म्हणाले की, त्यांना आपल्या खासदारांना सांगायचे होते की चर्चा झाली पाहिजे. सर्वसाधारण नियम असा आहे की, जर कोणी कोणाचे नाव घेतले, तर त्यांनी प्रतिसाद दिला पाहिजे. जेव्हा मी प्रतिसाद देण्याचा प्रयत्न केला, तेव्हा माझा मायक्रोफोन बंद करण्यात आला. मला संधी दिली गेली नाही.

इतर महत्वाच्या बातम्या