Rajauri Fire जम्मू कश्मिरच्या राजौरीमध्ये ८५० हेक्टर क्षेत्र जळून खाक, १०० हून अधिक वणवे पेटले

जम्मू आणि काश्मीरच्या राजौरी जिल्ह्यात या हंगामात वणव्याच्या १०० हून अधिक घटनांची नोंद झाली असून, त्यामुळे सुमारे ८५० हेक्टर वनजमिनीवर परिणाम झाला आहे, अशी माहिती पश्चिम राजौरीचे वनसंरक्षक सत पाल (आयएफएस) यांनी रविवारी दिली.

एएनआयशी बोलताना सत पाल म्हणाले की, सध्याची उष्णतेची लाट कोरडे हवामान आणि या प्रदेशात अत्यंत ज्वलनशील असलेल्या चीर पाइनच्या जंगलांमुळे भडकलेल्या आगींना आटोक्यात आणण्यासाठी आणि नियंत्रणात आणण्यासाठी वन विभाग सातत्याने काम करत आहे.

वनसंक्षक सतपाल ANI शी बोलताना म्हणाले “जेव्हा कधी वणव्याची घटना घडते, तेव्हा तो तात्काळ विझवण्याचा प्रयत्न करा. सुरुवातीची काही मिनिटे सर्वात महत्त्वाची असतात. आमचे कर्मचारी आणि संसाधने दुर्गम किंवा डोंगराळ भागात पोहोचायला अनेकदा वेळ लागत असल्याने, मी लोकांना, विशेषतः उन्हाळ्यात प्रवास करणाऱ्या किंवा फिरणाऱ्यांना, सावधगिरी बाळगण्याचे आवाहन करतो. कृपया बिडी किंवा सिगारेट यांसारख्या वस्तू फेकून देणे टाळा,”

त्यांनी रहिवाशांना आवाहन केले की, जंगलात आग लागल्यास तात्काळ अधिकाऱ्यांना कळवावे आणि आगीचा फैलाव रोखण्यासाठी मदत करावी. “जर तुम्हाला आग लागलेली दिसली, तर ती तात्काळ विझवण्याचा प्रयत्न करा आणि विभागाला कळवा,” असेही सतपाल यांनी सांगितले .

आगीची माहिती घेण्यासाठी तंत्रज्ञानाची मदत

वनरक्षकांनी सांगितले की, वणव्यांचा लवकर शोध घेण्यासाठी विभाग तंत्रज्ञानावर अधिकाधिक अवलंबून आहे. “शोध घेण्यासाठी आम्हाला तंत्रज्ञानाकडून मोठी मदत मिळत आहे. भारतीय वन सर्वेक्षण (डेहराडून) ने आमच्या कर्मचाऱ्यांच्या संपर्काची नोंद केली आहे. त्यांच्या परिसरात आग लागताच, आम्हाला तात्काळ ठिकाणाचे निर्देशांक आणि आगीचा इशारा मिळतो,” असे ते म्हणाले.

दुर्गम ठिकाणी पोहोचणे आव्हान

मात्र, जिल्ह्याचा दुर्गम भूप्रदेश आणि अनेक ठिकाणी रस्त्यांच्या जोडणीचा अभाव यामुळे बाधित भागांपर्यंत पोहोचणे हे एक मोठे आव्हान असल्याचे त्यांनी नमूद केले. “घटनास्थळी पोहोचून आग नियंत्रणात आणणे हे खरे आव्हान आहे, विशेषतः काही दुर्गम भागांमध्ये रस्त्यांची सोय नसल्यामुळे,” असेही ते म्हणाले.

या प्रदेशाची असुरक्षितता अधोरेखित करताना, सत पाल म्हणाले की, राजौरीमध्ये दोन वन विभाग असून ते चिर पाईनच्या जंगलांनी व्यापलेल्या विस्तीर्ण डोंगराळ प्रदेशात पसरलेले आहेत, ज्यांना आग लागण्याचा धोका खूप जास्त असतो.