Rajpal Yadav: राजपाल यादवला आणखी एक झटका! चेक बाऊन्स प्रकरणात नवा ट्विस्ट; पुन्हा तुरुंगात जावे लागेल?

• हा चित्रपट बॉक्स ऑफिसवर अपयशी ठरल्याने कर्ज वेळेत फेडता आले नाही
• या निर्णयाविरोधात यादव यांनी दिल्ली उच्च न्यायालयात अपील दाखल केले.
• 16 फेब्रुवारी रोजी न्यायालयाने त्यांना या प्रकरणात जामीन मंजूर केला होता.

चेक बाऊन्स प्रकरणी बॉलिवूड अभिनेता राजपाल यादवला दिल्ली उच्च न्यायालयाकडून मोठा धक्का बसला आहे. शुक्रवारी न्यायालयाने त्याची शिक्षा कायम ठेवत त्याच्या वागणुकीवर तीव्र नाराजी व्यक्त केली. तसेच, त्याचे वर्तन “संशयास्पद” असल्याचे सांगून, त्याला पुन्हा तुरुंगात पाठवण्याचे निर्देश संबंधित अधिकाऱ्यांना दिले. हे प्रकरण 2010 सालचे आहे. राजपाल यादवने दिग्दर्शक म्हणून पहिला चित्रपट बनवण्यासाठी M/S मुरली प्रोजेक्ट्स प्रायव्हेट लिमिटेडकडून 5 कोटी रुपयांचे कर्ज घेतले. मात्र बॉक्स ऑफिसवर हा चित्रपट अपयशी ठरल्याने कर्जाची वेळेत परतफेड होऊ शकली नाही आणि त्यामुळे हा वाद न्यायालयात पोहोचला.

Aamchya Ladkya Naik Bai Serial: ऐश्वर्या नारकरच्या नव्या मालिकेचा प्रोमो धुमाकूळ घातला; 'आई कुठे करतेय?'च्या तुलनेत.

एप्रिल 2018 मध्ये मॅजिस्ट्रेट कोर्टाने चेक बाऊन्स प्रकरणात राजपाल यादव आणि त्यांची पत्नी राधा यादव यांना दोषी ठरवून सहा महिन्यांच्या तुरुंगवासाची शिक्षा सुनावली होती. त्यानंतर 2019 मध्ये सत्र न्यायालयानेही हा निर्णय कायम ठेवला. या निर्णयाविरोधात यादव यांनी दिल्ली उच्च न्यायालयात अपील दाखल केले.

जून 2024 मध्ये, उच्च न्यायालयाने त्याच्या शिक्षेला स्थगिती दिली आणि सुमारे 9 कोटी रुपयांची देणी प्रामाणिकपणे भरण्याचे निर्देश दिले. मात्र, न्यायालयाच्या निरिक्षणानुसार यादव यांनी वारंवार दिलेले आश्वासन पूर्ण केले नाही. त्यामुळे या वर्षी 2 फेब्रुवारी रोजी न्यायालयाने त्याला आत्मसमर्पण करण्याचे आदेश दिले. त्यानंतर त्याला दिल्लीतील तिहार तुरुंगात ठेवण्यात आले होते.

भूतम भय्याम चित्रपट: 'भूतम भयम'मधील 'जठाई'चा फर्स्ट लूक रिलीज; पोस्टरमध्ये दडली लोकप्रिय मराठी अभिनेत्री; तुम्हाला माहीत आहे का?

तुरुंगात जाण्यापूर्वी एका मुलाखतीत राजपाल यादवने आपली आर्थिक अडचण व्यक्त केली आणि भावूकपणे सांगितले की, “माझ्याकडे पैसे नाहीत, मला आता दुसरा कोणताही मार्ग दिसत नाही.” या कठीण काळात बॉलिवूडमधील अनेक कलाकार त्यांच्या मदतीसाठी पुढे आले आहेत. सोनू सूद, अजय देवगण, सलमान खान आणि गुरमीत चौधरी यांच्यासह इतरांनी आर्थिक मदत केली आहे. काही निर्माते आणि गायकांनी त्याला आगामी प्रकल्पांमध्ये संधींसह आगाऊ पैसेही दिले. त्यानंतर 16 फेब्रुवारी रोजी न्यायालयाने त्यांना या प्रकरणात जामीन मंजूर केला.