देशाच्या तिजोरीत मोठी भर, परकीय चलनसाठ्यात 1.48 अब्ज डॉलर्सची वाढ, RBI ने जाहीर केली आकडेवारी

रिझर्व्ह बँक ऑफ इंडिया: भारतीय रिझर्व्ह बँकेकडून पुन्हा एकदा आनंदाची बातमी आली आहे. 15 ऑगस्ट रोजी संपलेल्या आठवड्यात भारताचा परकीय चलन साठा 1.48 अब्ज डॉलर्सने वाढून 695.10 अब्ज डॉलर्सवर पोहोचला आहे. रिझर्व्ह बँक ऑफ इंडिया (RBI) ने हा आकडा जाहीर केला आहे. सप्टेंबर 2024  च्या अखेरीस, भारताचा परकीय चलन साठा 704.885अब्ज डॉलर्सवर पोहोचला, जो आतापर्यंतचा सर्वोच्च स्तर आहे. एकूण साठ्यातील हा सर्वात मोठा वाटा आहे. डॉलर व्यतिरिक्त, या मालमत्तांमध्ये युरो, पौंड आणि येन सारख्या परकीय चलनांच्या किमतीतील चढउतारांचा परिणाम देखील समाविष्ट आहे.

भारताच्या राखीव निधीत 15 दशलक्ष डॉलर्सची वाढ

या आठवड्यात सोन्याचा साठा 2.16 अब्ज डॉलर्सने घसरून 86.16 अब्ज डॉलर्सवर पोहोचला. आयएमएफमधील भारताच्या राखीव निधीत 15 दशलक्ष डॉलर्सने वाढून 4.75 अब्ज डॉलर्सवर पोहोचला. साधारणपणे, आरबीआय वेळोवेळी बाजारात डॉलर्स खरेदी आणि विक्रीसारखी पावले उचलून रुपयातील तीव्र घसरण रोखण्याचा आणि तरलता संतुलन राखण्याचा प्रयत्न करते. आरबीआय परकीय चलन बाजारावर बारीक लक्ष ठेवते आणि गरज पडल्यासच हस्तक्षेप करते, जेणेकरून रुपयाच्या विनिमय दरात जास्त चढ-उतार होणार नाहीत.

पाकिस्तानच्या परकीय चलन साठ्यातही सुधारणा

दुसरीकडे, पाकिस्तानच्या परकीय चलन साठ्यात थोडीशी सुधारणा झाली आहे. 15 ऑगस्ट 2025 रोजी संपलेल्या आठवड्यात स्टेट बँक ऑफ पाकिस्तानची होल्डिंग 13 दशलक्ष डॉलर्सने वाढून 14.256 अब्ज डॉलर्सवर पोहोचली. मध्यवर्ती बँकेने जाहीर केलेल्या आकडेवारीनुसार, देशाचा परकीय चलन साठा 19.571 अब्ज डॉलर्सवर राहिला. यापैकी, व्यावसायिक बँकांचा वाटा 5.315 अब्ज डॉलर आहे. स्टेट बँक ऑफ पाकिस्तानकडे 14.256 अब्ज डॉलर परकीय चलन साठा आहे. केट्रेड सिक्युरिटीजच्या मते, एकूण परकीय चलन साठा 19.6 अब्ज डॉलर आहे. ज्याची आयात 2.32 महिन्यांची आहे. एसबीपीच्या साठ्यात आठवड्या-दर-आठवड्यामध्ये 0.09 टक्क्यांनी वाढ होऊन 14.3 अब्ज डॉलर झाले. व्यावसायिक बँकांच्या साठ्यात 1.16 टक्क्यांनी वाढ होऊन 5.3 अब्ज डॉलर झाले.

महत्वाच्या बातम्या:

New Cheque Payment Rules : चेक पेमेंट होणार झटपट, नवा नियम लागू; रिझर्व्ह बँकेकडून चेक ट्रान्सेक्शन सिस्टीममध्ये मोठा बदल, वाचा सविस्तर

आणखी वाचा