IPL पूर्वी रिंकू सिंगला गुड न्यूज, सरकारकडून क्रीडा अधिकारी म्हणून नियुक्ती, किती मिळणार पगार ?

रिंकू सिंग: आयपीएल 2026 ला 28  मार्च रोजी सुरुवात होणार आहे. पण त्याआधी, रिंकू सिंगसाठी एक आनंदाची बातमी आली आहे. त्याची सरकारी नोकरी आता निश्चित झाली आहे. डावखुरा फलंदाज रिंकू सिंगची उत्तर प्रदेश सरकारमध्ये प्रादेशिक क्रीडा अधिकारी म्हणून नियुक्ती करण्यात आली आहे. रिंकु सिंग केकेआरसाठी मैदानात उतरणार आहे.

उत्तर प्रदेश सरकारने क्रिकेटपटू रिंकू सिंगसाठी 3 कोटी रुपयांचे रोख बक्षीस देखील दिले आहे. क्रीडा अधिकारी म्हणून घोषणा केली आहे. रिंकू सिंग काल शासकीय कार्यक्रमाला उपस्थित राहू शकला नाही. त्याने एका व्हिडिओद्वारे मुख्यमंत्र्यांकडे आपली दिलगिरी व्यक्त केली आहे. त्यांचे आशीर्वाद घेण्यासाठी लवकरच परत येण्याचे आश्वासन देखील दिले आहे.

रिंकू सिंगचे काम काय असणार?

प्रादेशिक क्रीडा अधिकारी (RSO) या पदाची मुख्य जबाबदारी क्रीडा उपक्रमांचे कार्यक्षम व्यवस्थापन करणे ही आहे.

विभागीय स्तरावर क्रीडा स्पर्धा आणि टूर्नामेंट्सचे आयोजन करणे.

खेळाडूंच्या प्रशिक्षणाचे (कोचिंग) नियोजन आणि अंमलबजावणी करणे.

क्रीडा स्टेडियम व्यवस्थापन, वसतिगृह व्यवस्थापन आणि अर्थसंकल्प यांसारख्या प्रशासकीय कामांवर देखरेख करणे.

कर्मचाऱ्यांना अहवाल देणे आणि क्रीडा संबंधित सरकारी धोरणांची अंमलबजावणी करणे.

रिंकु सिंगला किती मिळणार पगार?

या पदासाठी वेतनश्रेणी 50000 ते 100000 पर्यंत पगार आहे.

भत्ते: अधिकाऱ्याला घरभाडे भत्ता (HRA), वैद्यकीय सुविधा, शासकीय वाहन आणि प्रवास भत्ता (TA) यांसारखे लाभ मिळतात.

पदोन्नती: या करिअरमध्ये पदोन्नतीच्या उत्कृष्ट संधी देखील आहेत, ज्यामध्ये क्रीडा उपसंचालक आणि सहसंचालक या पदांपर्यंत पोहोचण्याची संधी आहे.

आणखी वाचा